近日無綫旗下藝員群起反擊無綫苛刻制度，馬德鐘太太更在微博炮轟無綫，矛頭直指高層樂易玲，樂易玲昨日出席活動，以打木人巷比喻藝人是要捱騾仔。
無綫一眾藝人包括陳豪、黎耀祥、陳法拉和楊怡等昨日到尖沙嘴出席「壹電視大獎」，無綫高層樂易玲成為焦點，皆因早前傳出無綫小生花旦相繼離巢，之後又被不少藝員寸大細超，對無綫制度有怨言，尤以日前馬德鐘太太張筱蘭替夫出頭的言論最為激烈，更直指樂易玲說話失大體，又替她改花名「樂大媽」，彼此關係決裂。
樂易玲表示看到馬德鐘太太的言論，也有與馬德鐘聯絡，認為只是誤會，但承認無綫工時較長，她也不希望藝員捱至五勞七傷。
有指人工偏低，樂易玲說：「無可否認無綫對比外面人工相差好遠，但無綫係個強平台，播放完會好多人識，可以令身價提高，我哋都同藝人有共識，希望佢哋賺到錢有另一片天空，打木人巷呢關係要捱吓。」
對於被改花名「樂大媽」，樂易玲說：「唔覺呢個係花名，無可否認我年紀都唔細，又係好多人阿媽，幾好呀，好過叫我樂小姐。」
陳豪起初拍電影，之後加入無綫成為小生，但他早前也罕有推辭無綫劇集，他昨表示對事件有遺憾，但有向高層解釋箇中原因，是否與工時太長有關？陳豪說：「上年不停拍咗110集劇，有份參與都好滿足，人哋意見我不便參與。」
此外，馬德鐘昨日到深水埗拍攝《飛虎》外景，提到太太炮轟無綫，他即為太太解畫說：「中間有誤會，自己冇同太太講清楚工作性質，同樂小姐有聯絡，關係好好，冇尷尬，續約家傾緊，未知成數。其實太太唔係戥我不值，佢只係擔心我健康。」
from:
http://hk.apple.nextmedia ... art_id=15144510
