李彩華（Rain）曾與林峯拍拖，她昨日在鰂魚涌接受網上電台訪問，談到舊愛床照被洩露，Rain即劃清界線說：「朋友啫，係好好嘅朋友啫。」其後Rain展露得戚笑容謂：「噚日好多人打畀我問，搞到我都忍唔住買嚟睇呀！書中有自己識嘅朋友，睇落值得啲。我都有睇電視，見到佢回應，好慘咁，眼濕濕咁，戥佢可憐。」
問Rain可認識潘霜霜？她說：「唔識，睇相知佢身材好勁。」林峯形象乖仔，現在形象盡毀？Rain說：「我哋好耐冇聯絡，我識佢時係好乖仔。」林峯是否只愛身材好的女仔？Rain即指自己身體，並說：「OK啦，希望大家專注佢嘅事業啦。」
至於一眾林峯的無綫之友則透過微博轟炸潘霜霜，胡杏兒說：「邪惡的人一定會得到報應！」陳敏之留言：「最傷心的莫過於被心愛的人出賣和遺棄！阿峯加油！」
陳芷菁則在微博說：「藝人的生活就是要活在恐懼之中嗎？狗仔隊的追蹤，傳媒的壓力，我們可以認命；但枕邊人出賣自己，那可以說甚麼呢？一個未婚的男孩，已把女孩帶回家了，那不是偷情，亦不是鬼混……那是有情有愛。被赤裸裸的批判，何其的殘忍。」
from:
http://hk.apple.nextmedia.com/te ...462&art_id=15086087
