賭王三房長女何超雲近期和陳山聰的緋聞鬧得熱烘烘，陳山聰更即時被人大起底，爆出多年前已婚、離婚，更傳有私生子。與超雲緋聞暫告一段落的周柏豪，昨日就自言遠離了「緋聞」樹，但不忘澄清自己未婚兼沒秘密生子。
周柏豪和女模Mandy Lieu昨日在北角出席HTC活動，做主持的森美，在台上不停拿周柏豪和何超雲的緋聞取笑，一時笑他經常要去澳門，一時笑他忙上微博，搞到周柏豪非常尷尬，只好以笑帶過。
周柏豪事後頻呼尷尬：「不過，算啦，大家相信係假嘅緋聞，先會拎嚟講笑，我唔介意。」問到陳山聰被傳有私生子，他即時表示不會評論。
陳山聰因為和超雲傳緋聞約會，連環被大起底，問周柏豪可會覺得甩難？他說：「我家係遠離嗰棵（緋聞）樹，但唔覺係甩難，因為從來唔覺係難，啲嘢係越傳越多誤會嘅。」
問到有否私生子，是否已秘密結婚，難保突然又被踢爆，周柏豪即時澄清說：「我梗係冇啦，我都想快啲結婚，媽咪、婆婆成日催我結婚，佢哋仲畀埋錢我擺酒，婆婆近期扭傷腳仲扭計，話想快啲抱曾孫㖭。」他直認心急結婚生仔，但苦無對象，擇偶條件是愛家人、有愛心。
Mandy Lieu之前拍Now旅遊特輯，曾去了日本幾個月拍攝，她謂猶記得仙台的漁民很熱情，她說：「拍攝時，有一對漁夫同太太一家，家都唔知點，好難過。我地震後有傳短訊畀一啲日本朋友，直到噚日先收到佢哋回覆。」她謂會為日本災民祈禱。
from:
http://hk.apple.nextmedia.com/te ...462&art_id=15079503
