由苗僑偉（三哥）、郭羨妮、謝天華等主演的無綫新劇《抉宅男女》，前晚在尖沙嘴舉行煞科宴，原本三哥和三嫂戚美珍恩愛到場，不過三嫂一見在場傳媒即火速彈開，即時令人誤會她避談三哥和郭羨妮的緋聞，但三哥就強調三嫂只是上廁所，還笑指她們是一大一細，三哥笑說：「郭羨妮喺戲中係我老婆，呢啲都算係緋聞咩？我係佢fans，有睇佢啲劇，之前佢同郭晉安、馬浚偉都冇傳。」
及後三人也大方合照，三嫂和郭羨妮互相擁抱，更禮讓她企中間，郭羨妮尷尬婉拒，三嫂即維護說：「你哋放過佢，三哥驚佢嫁唔出。」郭羨妮都呼寃形容緋聞「離晒譜」，還大讚三嫂好人，她說：「佢喺微博叫我唔好唔開心，自己都有唔開心，成日俾人覺得係嗰啲人，會影響到想追求我嘅人，我都想拍拖，都有朋友介紹啲男仔畀我，但我覺得好尷尬，自己努力物色緊，唔會揀圈中人，唔想煩，唔想咁多新聞。」有記者提議她可考慮圈中筍盤陳豪時，她即拒絕記者的建議。
此外，曾醉駕被罰停牌的謝天華對於崔建邦在停牌期間涉駕車，天華即避忌說：「佢冇咁大膽，呢啲問番當事人。」
from:
http://hk.apple.nextmedia ... art_id=14846910
