郭羨妮昨日與小女孩合作，流露慈母的笑容。
郭羨妮自誕下囡囡Kylie後，火速收身復出工作，下月便會歸隊拍劇。郭羨妮昨日出席活動時，笑言肥B女易湊，不介意母女檔搵銀，又希望快些追多個囝囝，湊成好字。問到舊愛溫兆倫涉欺騙內地藝人拖友的錢債新聞，有女萬事足的郭羨妮只回應沒有做過受害者。
郭羨妮嫁給內地武指朱少杰後，即火速誕下小龍女Kylie，她也逐漸回復工作，昨日為她產後首度復出在香港工作，現身屯門商場活動。郭羨妮身穿珠片背心裙騷收身成果，她在台上大讚兩個月大的囡囡Kylie乖巧易湊，雖與夫婿同是新手牌父母，已慢慢上手湊B：「佢爹哋曾經將冲奶茶粉當咗奶粉冲，家BB兩個幾月大已係肥B，最近更幫佢剪咗個skinhead。」
郭羨妮表示兩個月大的女兒很乖巧。
囡囡少喊自言已習慣湊B生活的郭羨妮又說：「初初自己好無助，唔敢同佢冲凉，家就得心應手。囡囡好少喊，多數一覺瞓到大天光。」
問到有否留意早前日本奶粉缺碘事年，郭羨妮說：「唔太擔心，囡囡唔係食呢隻奶粉，應該冇問題。」她表示已復工，下月中會歸隊拍無綫新劇《初五啟市錄》，B女將交由外婆湊，她說：「家出嚟都掛住囡囡，會影多啲相同片擺喺手機，佢爹哋返內地工作，佢好掛住個女，等佢有半歲大就會探佢班。」
生仔湊好問到會否介意母女檔掘金，郭羨妮說：「唔介意畀囡囡拍廣告，自己都成日post佢啲相去微博，都係開心事。」會否追多個小朋友，她說：「我都希望，一個仔一個女就好，自己都唔覺辛苦。」對於早前溫兆倫涉向內地藝人女友溫嘉蓉騙財騙情的新聞，作為舊愛的郭羨妮說：「知道少少，我唔回應。」曾否受騙，她說：「冇，好耐冇聯絡。」
