■郭羨妮同陳錦鴻噚日拍騎馬戲，兩個都有經驗，所以冇咁驚青。
郭羨妮同陳錦鴻噚日喺將軍澳電視廣播城為無綫新劇《初五啟市錄》，拍一場白馬王子騎馬戲，陳錦鴻以民初王子look同郭羨妮齊齊騎白馬，好彩佢哋以前拍劇都騎過，所以總算唔係初哥。
■生咗囡囡嘅郭羨妮又要拍戲，唔怪得佢梳住個開工頭都走一轉返屋企。
■陳錦鴻同杜雯惠嘅囝囝近日學業退步咗，錦鴻話要同佢惡補番先得。
不過，陳錦鴻話點都有壓力，因為怕跌親郭羨妮，好彩拍檔都已經生咗小朋友，不過一聽到郭羨妮話要再生嘅時候，佢都即刻話要小心啲。已有一女嘅郭羨妮話拍完要休養身子，之後再努力造人：「家任務好重大，準備再生第二個。」
錦鴻諗計治仔噚日無綫搵嘅白馬好彩都好乖，所以郭羨妮同陳錦鴻上馬都好安心，但係郭羨妮話佢七、八年前喺內地拍劇時都曾經墮馬受傷，好彩冇傷到骨，不過今日都唔會擔心騎馬有危險性，因為細個有學過。
另外，噚日係陳錦鴻同郭羨妮拍最後一日戲，陳錦鴻話會好好休息返去湊仔，因為囝囝呢排功課退步晒：「我比太太更了解個仔，我會好有耐性同方法去對付佢。」
