《法證先鋒》系列叫好叫座，最新一輯《法證先鋒III》又換了新血，由新鮮熱辣視帝黎耀祥擔大旗，夥拍佘詩曼、胡定欣查案兼搞婚外情，戲內感情關係錯綜複雜，戲外祥仔謝絕一切桃色新聞，他即場交波給經常跟女主角傳緋聞的吳卓羲說：「交畀吳卓羲搞，我冇經驗，吳卓羲最拿手。」
無綫劇集《法證》系列前兩套都有不錯的收視，再接再厲開拍《法證先鋒III》，一班新加入的演員視帝黎耀祥、陳茵媺、吳卓羲、胡定欣、徐子珊等，昨日在將軍澳電視城試造型，女主角佘詩曼卻身在外地工作，未能出席。
上一輯鄭嘉穎跟佘詩曼拍劇擦出愛火花，二人假戲真做，氣得鄭嘉穎多年緋開女友周麗淇怒斬情絲，《法證III》沒有了鄭嘉穎，相信跟緋聞有關係。開拍前又有傳祥仔再揮低歐陽震華及林文龍得到男主角，祥仔說：「佢哋三個都忙，咪畀我啲閒人做，阿佘都係第一次合作。」緋聞導電體佘詩曼跟男主角屢傳緋聞，已婚祥仔第一時間將搞緋聞一事交給吳卓羲，他說：「傳緋聞交畀吳卓羲搞，我冇經驗，吳卓羲最拿手。」
吳卓羲跟徐子珊再做螢幕情侶，兩人異口同聲說：「預咗傳緋聞，咪當宣傳囉！」徐子珊除了經常傳緋聞，還不時傳出與拍檔不和，今次她跟佘詩曼在劇中做好姊妹，劇外不知會不會傳不和，她說：「傳硬喇，次次都有，如果有得揀兩樣都唔好傳，不過呢啲唔係我控制。」
苟芸慧昨日穿上婚紗扮中槍，她表示在《法證III》出場沒多久就要死，她說：「一陣我就要拍死嗰場戲，頭先喺大家面前要扮中槍死都幾難，又要死得靚，又要影相。」新年頻頻拍戲要死，苟芸慧表示絕對不介意，她說：「另一套《紫禁驚雷》都係死，應該都係呢個月拍，死得都幾慘，不過我唔介意，唔係人人有呢個機會，應該係唔錯嘅經驗。」
from:
http://hk.apple.nextmedia ... art_id=14832216
