懷孕6個月的林嘉欣，原來今年6月已與男友袁劍偉在加拿大溫哥華拉埋天窗。為迎接小生命，嘉欣結婚當日特別剪了一頭短髮，幸福笑容滿掛臉上。據有份出席婚禮的潘迪華透露，一向好學的嘉欣近日在加國勤學煮飯，廚藝大有進步，不論包雲吞或燉湯也弄得頭頭是道，就連嘉欣也笑稱現在變成小「煮」婦。
現年32歲的林嘉欣，為拍拖兩年的男友袁劍偉（Steve）懷有6個月身孕，二人在今年6月13日在加拿大溫哥華舉行簡單而隆重的婚禮，邀請至親好友出席。
昨日袁劍偉發放了兩張結婚照片，照片中當時懷孕3個多月的嘉欣剪了一頭清爽短髮、薄施脂粉，穿上簡潔的鬆身白色衣裙襯白色平底鞋，拿着白色花束的右手上戴着一隻巨型結婚鑽戒，左手蹺住父親臂彎，幸福笑容掛滿臉上，但因她坐着，未能看到其微隆的腹部。另一張照片，是嘉欣在婚宴上與袁劍偉一起向母親及契媽潘迪華敬酒，由於懷孕關係，嘉欣僅以清水代酒。
80歲的嘉欣契媽潘迪華，當日由香港飛往溫哥華見證嘉欣人生重要一刻。前日潘姐姐接受本報記者訪問時，大讚嘉欣廚藝大有進步，是位入得廚房的好太太。潘姐姐說：「佢哋結婚我帶埋工人一齊去，教佢（嘉欣）煮嘢食，過啲家庭生活，煮吓餸、包吓雲吞，可能我年紀大，喺傳統家庭成長，所以覺得識煮餸係應該。」
潘姐姐續說：「我工人煮餸煮得好好，佢未結婚前成日上嚟我屋企食飯，過時過節又會上嚟。家加拿大好難請工人，咁我同佢講話：『你學吓啦！』佢好肯學，家煮得唔錯，包雲吞包得幾好o架，又識得燉湯。佢家好享受煮嘢食，話自己係一個小『煮』婦。」
未知嘉欣懷孕初期有否感到不適或是嘔吐得很厲害？潘姐姐說：「佢咁後生，應該冇事。佢冇講我知呀，可能唔想我擔心。」嘉欣懷的是B仔還是B女？潘姐姐說：「我有問佢，但佢話：『嘻嘻，唔話你知！』想保持神秘感喎。」而為嘉欣代理工作的星皓經理人部門王小姐及老闆王海峰，昨日對嘉欣已婚一事表示恭喜。
此外，任達華昨日在尖沙嘴出席活動時，表示打算送部相機給快將為人母的林嘉欣，他說：「我本來打算送部相機畀君如，點知佢又否認有咗，咁我唔送畀佢，送畀嘉欣，部相機冇閃燈，可以影BB。」
華仔表示很久沒與林嘉欣聯絡，他說：「我哋拍《阿嫂》時冇乜對手戲o架。」當得悉傳聞李嘉欣也懷孕後，華仔表示也會送相機給她，華仔說：「我最鍾意送禮物畀人。」
from:
http://hk.apple.nextmedia ... art_id=14441101
