周柏豪將推出全新EP唱片《Remembrance》，今次他為新碟可謂博到盡，更罕有地赤裸上身露點示人，雖然柏豪事前已做足準備，日日操fit自己苦練六嚿腹肌及一雙麒麟臂，但他謂到場拍封套時才知道要脫去上衣示人，故即場狂做sit up力谷上胸，最後化身成「大隻男」，不過由於拍攝時他的褲子拉得很低，令柏豪被迫露毛，搞到他尷尬的說：「入行咁耐最大膽、最激嘅一次。」
柏豪拍攝時要穿上超緊身leggings，即時被現場工作人員取笑「激凸」，更質問他是否有做手腳，柏豪鬼馬說：「你哋唔係睇小我呀？講笑咩！我梗係冇做手腳啦。而且都唔係靠呢啲吸引人買碟，變態咩！不過我都唔想大家將焦點放喺呢度，最緊要係聽碟入面嘅歌。」
from:
http://hk.apple.nextmedia.com/te ...462&art_id=14359397
