鄭秀文（Sammi）日前在台北開騷，穿着大deep V歌衫大騷胸前排骨，她亦坦認現只瘦剩95磅，我見猶憐。近日被指和Sammi翻撻的許志安，昨日表示有留意Sammi暴瘦的消息，形容她為糖醋排骨，寄語她要密食增磅。
許志安昨日和薛凱琪、組合RubberBand、Swing及Mr.等，一同到商台出席「拉闊音樂擂台」記者會，安仔表示今次大會任他選擇演出拍檔，結果他揀了RubberBand夾歌表演。
安仔笑言近日主打歌《金鐘罩》被打敗，惟有選唱自己近日熱播的牙膏廣告歌，他說：「呢個廣告最難拍，邊有人邊刷邊唱又要跳埋，不過如果做埋代言人就仲好。」
鄭秀文日前在台北小巨蛋開演唱會，穿着大deep V歌衫時暴露一大排胸骨，瘦骨嶙峋，她更自爆目前只有95磅，我見猶憐。近日被指翻撻Sammi的安仔昨日對此說：「佢又點我，佢猛叫我食多啲嘢要肥啲，但自己就搞到糖醋排骨咁，真係瘦得滯，佢要食肥啲先得。」
雖然Sammi暴瘦，但安仔不忘大讚她的歌衫及造型靚絕，他表示大部份歌星做巡迴演唱會皆會穿同一批歌衫，但今次Sammi竟全部重新做過，成本高昂，安仔笑說：「佢咁做真係值得一讚，我哋Big4咁窮就唔會再做過新衫。」記者笑指安仔相當留意Sammi，他解釋只因有看報紙。
from:
http://hk.apple.nextmedia ... art_id=14208290
