鄭秀文（Sammi）和許志安最近屢傳復合，甚至傳安仔閃電向Sammi求婚，昨日她現身時認真否認傳言，堅稱不想投入複雜關係。但Sammi前日傍晚單拖到寓所附近超市狂掃兩大袋零食，並急腳回家，似是佳人有約齊撐世界盃。
自從鄭秀文全面復出後，一直傳她和許志安舊情復熾，兩人又被目睹多次一同出埠工作，近日復合傳言升溫，指安仔向Sammi求婚，更定於年底結婚。
昨日Sammi到新城接受訪問，宣傳國語版福音碟《信者得愛》，問到此事時，她嚴肅地說：「唔好話我黑面、或者甜笑，我只係冇表情，我好正經答，我哋冇復合，冇呢個打算，喺呢個階段冇呢個可能性，但係將來嘅嘢我唔敢講。」
會否擔心傳聞傷害安仔女友Michelle？Sammi說：「我唔知佢同佢女友嘅事，你哋問番佢。」由於傳聞越來越誇，Sammi坦認跟安仔見面有尷尬，她強調說：「我咁大年紀，唔會選擇太複雜關係，只投入一對一嘅關係。」會否擔心影響安仔跟Michelle的感情？Sammi說：「就憑我？！」
另外，前日傍晚約6點，Sammi穿便服踢拖到半山屋企附近的超市掃貨，戴上黑超的她狀甚輕鬆。
抵達超市後Sammi先選橙及半個西瓜，又買一大盒紙包飲品，繼而轉攻餅乾、薯片和即食點心，看似買來準備捱夜看世界盃。不知是否要保持身形，Sammi揀選零食時相當細心，難怪她在超市逗留了近一個鐘才離開。
結賬時由於收銀員少，加上正值買餸時間，超市內有不少菲傭，所以Sammi要排長龍，到她付款時，又因選購大批食物，令後面菲傭有點不耐煩。Sammi也響應環保自備兩個購物袋，兩手各挽一袋回家。
from:
http://hk.apple.nextmedia ... art_id=14162900
