蒙嘉慧（YoYo）昨日與楊愛瑾（Miki）及新晉模特兒Paula Taylor於中環出席飾品公司周年慶，YoYo透露剛由內地工作返港，男友鄭伊健到機場接機。問到伊健有否帶備花及戒指求婚？YoYo笑說：「咁樣做嗰個都唔係佢嚟o架啦！」
談到伊健接受雜誌訪問，表示明年娶YoYo，但二人打算不生仔，她即詐儍說：「我唔知，有記者打嚟我都好愕然，我同伊健唔會就報道傾番嘅，總之呢年內唔會結婚，短期內唔會，大家畀心機工作先。」
至於不生小孩的決定，YoYo則說：「係有傾過，細路好難搞，陀住仔就要搵定幼稚園，小朋友好辛苦，戥佢哋慘呀，不過呢一刻咁諗啫，唔排除將來會發生乜事o架嘛。」後來她在現場看茶道示範，問她是否要學冲新抱茶給奶奶？她說：「考慮吓啦，至少一年後呀！」
from:
http://hk.apple.nextmedia ... art_id=14075918
