今屆有線取得世界盃播映權，之前盛傳他們請李克勤做主持，不過無綫也想找他講波，惜因克勤是四大唱片旗下故未能亮相無綫。前晚克勤終自揭謎底，鐵定為商台講波免左右做人難。
球壇盛事世界盃下月展開，今屆由有線奪得播映權，無綫及亞視的數碼頻道只可播出四場重要賽事。一直盛傳有線以千萬身價邀請無綫契仔李克勤擔任主持，不過另一邊無綫也有意找他為世界盃特備節目講波，只可惜克勤是四大唱片公司之一的環球旗下，因為版稅問題未解決，故最終因未能亮相無綫而告吹。
前晚克勤到尖沙嘴為英國球隊曼聯的主題餐廳擔任剪綵嘉賓，同場還有前英格蘭隊長白賴仁笠臣（Bryan Robson）、岑潔儀及雷凱欣等，克勤和笠臣即場打手印。克勤表示日前已和環球續約，新約會延續上張合約未完成的一張國語及一張廣東唱片。
問克勤會否為有線主持世界盃？他主動揭盅說：「我嘅合作夥伴係商台，我會喺林海峰嘅節目度講，幾有新鮮感，我會留喺香港做一個月，當中係講波同周邊事。今次同商台合作有三個原因，第一係我自己都估唔到，第二係時間好，我做咗老竇慣早起，咁到時早起唔使捱夜。另外，第三係冇煩惱。」是否怕得罪無綫？克勤只答：「總之冇煩惱。」
問克勤是否自我審查？他說：「點都好，多謝搵過我嘅機構。」記者笑言克勤今次請無綫食檸檬，他聞言笑說：「我先係檸檬夾心餅，總之一定唔可以做TVB，唔講太多，費事得罪人。」至於商台出幾多酬勞？克勤只答：「總之冇煩惱同好開心。」此外，他昨日又在微博上展示收到餐廳所贈的球員傑斯簽名波衫。
from:
http://hk.apple.nextmedia.com/te ...462&art_id=13989355
