今年圈中繼續一片生仔熱潮，張栢芝臨盆在即，有指她將揀在今年母親節、即本月9日剖腹生仔。栢芝姑仔謝婷婷昨日在銅鑼灣出席眼鏡鏡片活動時，最初否認栢芝周日開刀生BB，之後又表示不知情，她說：「唔知呀，如果BB真係9號出世，都冇辦法。」待產栢芝的傳言四起，一時指她情緒不穩，一時指其子Lucas請假不上學。婷婷就力撐阿嫂說：「雖然我有成個月冇見佢，但佢冇嘢，好好，佢掛住湊Lucas，Lucas應該冇請假。」
至於如何慶祝母親節，她則謂會和母親拉姑食飯，而男友安志杰則可能要拍戲，她說：「佢家喺大陸，佢11號生日都可能慶祝唔到，後補啦。」她又指兩人未訂婚，也沒有定情信物，今年內一定結不成婚。
from:
http://hk.apple.nextmedia ... art_id=13989339
