許志安及梁漢文（Edmond）等昨日錄影節目，被嘉賓吳君如及曾志偉戲弄，令Edmond要自爆常想去滾，但不敢行動。志偉又問安仔翻追鄭秀文（Sammi）的傳聞，安仔表示現任女友知他愛打邊爐，故被拍得與Sammi打邊爐也沒有甚麼。
吳君如與曾志偉昨日於尖沙嘴錄影無綫生活台節目《Big4大四喜》，節目前進行阮小儀式，主持許志安、梁漢文、張衞健及蘇永康要抽生死牌，決定誰讓君如問尖銳問題，結果君如問Edmond：「有冇試過去滾？」Edmond坦白說：「成日有諗，但唔夠膽。」君如續問：「你最想咀邊個，唔准話係我。」張衞健也搶說：「唔准話張茜。」君如望向安仔說：「都唔准話係Sammi。」令安仔尷尬儍笑，結果Edmond表示最想咀小S徐熙娣，因她的嘴看來很好錫。
兩位嘉賓轉又圍攻安仔，志偉初不知問甚麼，經記者提場即說：「翻啅呀。」全場大笑，有報道指安仔背着女友余德琳（Michelle）翻追前女友鄭秀文，二人日前還在上海恩愛打邊爐，安仔解釋：「嗰次喺上海做完騷一齊打邊爐，佢三個冇去，好正常啫，一笑置之啦。」康仔即幫口說：「我同Edmond都唔食牛，所以冇去。」安仔表示：「佢三個冇去都有其他人，不過嗰度打邊爐一人一鍋，可以自己食自己。」康仔聞言沒好氣說：「幫你兜緊，你又要踢爆，由你自生自滅。」
問安仔不怕現任女友呷醋嗎？他說：「佢知我鍾意打邊爐，知我鍾意滾，滾完就焯牛肉，我見到新聞都好攰，以前唔鍾意答，家明白玩法，但都覺得好攰，又唔係兩個人去做啲不道德嘢，就算兩個人食都好正常。」健仔說：「家見Sammi豁達咗，喺台灣都有講感情，女仔都咁大方，安仔唔答咪好扭擰。」
from:
http://hk.apple.nextmedia ... art_id=13973342
