甄妮將於下月6日至8日在紅館舉行演唱會，她每次演出都會擔心表現令觀眾不滿意，為免自己有日壓力爆煲，所以她決定卸下華麗舞衣過簡單的田園生活，在台灣有一大塊農地的甄妮笑言自己的理想生活就是希望與幾位好友自組小圈子，閒時打牌、shopping、傾偈。
外表剛強的甄妮更自爆經常被朋友出賣，她日前說：「我成日都俾人呃錢，試過有個識咗廿幾年嘅女性朋友，喺05年時叫我畀近300萬嚟投資買屋，點知後來我先發現原來啲投資係冇我個名，又唔肯畀番啲錢我，最後要搵律師搞。」
此外，甄妮早前接受鄭丹瑞主持的now節目訪問，她談到當年失去所愛的傅聲時，想過結束生命，她說：「每日都想割呢度，或者食50粒安眠藥夠唔夠，有段時間我仲好似瘋婦咁被綁喺伊利沙伯醫院內，最後為咗女兒我先活下去。」
from:
http://hk.apple.nextmedia ... art_id=13910350
