李克勤兩個BB夠晒數

剛與無綫約滿的李克勤昨首次以廣東話接受有線訪問，大談再榮升父親的喜悅。他形容心情跟第一次當爸爸分別不大，但因家有大、小老闆，故無意追多個囡囡：「夠數喇，我諗都冇乜意外，至少呢一刻我覺得係咁。」

早前外傳他會効力有線去推高世界盃收視，克勤笑謂：「講到我咁眉飛色舞，如果係（一千萬酬勞）我一簽簽三屆，咁就生幾多個都得！（到時上有線世界盃節目？）睇緣分啦。（上多啲有線節目？）一步一步嚟，之前我尊重合約精神，依家咪當識多啲新朋友囉。」而無綫方面昨晚於《東張西望》內「破例」訪問克勤，但時間只維持約一、兩分鐘。

對於克勤添丁，好友譚詠麟於網上留言，指對方「有咗2R（Rex and Ryan）心滿意足」。宣萱則查問克勤何時可探BB，洪天明更表示很想「生番個」。「波牛」克勤亦於網上透露自己邊湊仔邊睇歐聯，可謂忙碌不已。