謝安琪（Kay）和老公張繼聰昨日分頭搵食，Kay下午到紅磡出席商台麥當勞叔叔之家活動，提到曾與她傳緋聞的陳奕迅（Eason）在個唱中不避嫌唱其歌曲《囍帖街》，Kay謂之前聽Eason的電台訪問已知，覺得很榮幸。
再問Kay會否覺得Eason唱得比她出色？她表示沒聽過難下評語，Kay說：「嘉賓我唔會做，但我都想去睇，不過佢啲飛真係好難搵。」而前晚Kay到理工大學賽馬會綜藝館為區瑞強音樂會擔任嘉賓，早前她踢爆老公因無綫工作被飛不開心，但事後張繼聰否認，Kay認衰說：「我估佢有，所以咪咁答。」但她指老公未有因她亂講而不快。
此外，張繼聰昨日到迪欣湖出席慈善活動，提到Eason唱《囍帖街》，他同樣指門票難求，至於會否擔心Eason和Kay的緋聞再炒熱？他說：「我哋冇嘢，係諸事八卦啲人搞搞震。」
