葉翠翠與黃有龍分手後，雖然再見不是朋友，但仍祝福對方，更大讚很佩服趙薇生BB，而自己仍在等着愛人出現，望得到疼愛咁話！
昨晚葉翠翠與陸詩韻、楊秀惠與李亞男一眾靚女出席《時裝世界精英大獎》活動，葉翠翠到場即被記者包圍，問她有否恭喜前男友黃有龍將為人父？她大方表示會祝福他與趙薇：「會、會，我好戥佢哋開心。（有報道指黃有龍與章子怡傳緋聞而冷落趙薇？）有睇報道，但我真係冇意見，總之我覺得好佩服趙薇，因為要生BB真係唔容易。」問她想不想結婚生BB？葉翠翠說：「我淨係想搵一個錫我嘅人。（仲有冇其他條件？）冇，呢樣條件已經好難搵，到依家仲未搵到。」
另邊廂的陸詩韻表示現在忙於為父親打理製衣與貿易生意，經常要到大陸同歐洲公幹，令她感到疲累，增添不少壓力，她說：「我都好累，壓力大到要睇醫生，間中要食安眠藥，但唔會太依賴。」
她表示又要做藝人，又要為爹哋打理生意，很難兼顧說：「我好忙，忙到連自己都唔夠時間，所以我要二揀一。（你諗住揀邊樣？）仲心大心細未決定到。（拍拖未？）我連男友都冇之餘，連搵男朋友時間都冇呀！」
