現年33歲的趙希洛，07年跟黃智雯齊齊參選港姐，在落選後加盟無線，不過論運氣，趙希洛明顯比黃智雯差一大截，在無線捱足8年多的她經常被派演癲婆、殺人犯等角色，被網民喻為無線「御用癲婆」。
直至近日無線新劇《超能老豆》，趙希洛終有機會當上第二女主角，飾演陳智燊老婆，其賢妻良母形象獲不少網民追捧，紛紛留言：「如果趙希洛做我老婆唔知點算？」甚至認為其表現比第一女主角黃智雯更出色。
《實習天使》 癲婆
趙希洛在《實習天使》中演精神病患者角色，被喻為無線「御用癲婆」。劇照
《超能老豆》 賢妻
趙希洛近日在《超能老豆》中演賢妻良母，備受網民讚賞。劇照
07年趙希洛選港姐打入五強卻三甲不入，當年冠軍是張嘉兒。資料圖片
今次戲份最多
趙希洛前日受訪時感謝網民支持，承認今次是戲份最多一次。她說：「戲份多少都冇得揀，公司安排。做咗咁多年戲，以前唔覺得需要做女主角，但𠵱家都希望將來有機會，知𠵱家未適合，仍需進步。」
雖然趙希洛母親是前藝人梁小玲，但她不認為星二代的起跑線會快人一步，她說：「自己4、5歲已經好有表演慾，喺聖誕節做drama，我做粒星星，我有問媽咪點解自己唔係做瑪利亞，媽咪就答因為我唔係白人。細個輸咗畀種族，大個就輸喺事業起跑線，贏唔到港姐，所以咪要慢慢捱囉！」
父做石油生意
趙希洛早前被起底是有錢女，指她父親在澳洲經營石油生意，但她其實介意被人知道家底，她說：「以前坐人哋車，都係車到我去港鐵站，人哋覺得好奇怪，因為我唔想俾人知我住邊。」有指她是繼黃翠如後圈中另一女筍盤，她笑說：「我個角色就係筍盤，我老公陳智燊（Jason）都係，不過俾宋熙年搶咗！我叫Jason介紹細佬畀我識，不過佢唔肯。其實都想搵真心愛自己嘅人，而唔係為錢！」趙希洛指家人其實反對她做演員：「佢哋覺得冇錢，辛苦又要捱更抵夜，但我好鍾意演戲。」
採訪：嵐山
from:
http://hk.apple.nextmedia ... 160807/19725869
