林嘉欣昨晚以嘉賓身份看時裝騷，遇上有份行騷的甄子丹6歲囡囡甄濟如，大呼可愛，更母性大發透露想做母親，不過尚未有對象。現時沒拖拍的嘉欣表示寂寞，笑言過多幾年會變老姑婆，她絕不介意異地戀，黑人都不會抗拒，合眼緣便可以。
時裝品牌Kookai昨日在尖沙嘴海港城舉行時裝騷，以一片法式風情為主題，曾在法國修讀戲劇的林嘉欣任嘉賓，甄子丹與汪詩詩的6歲囡囡甄濟如（Jasmine）則客串行騷。
嘉欣以一身電影《情人》（L'amant）女角珍瑪琪（Jane March）的草帽連身裙造型示人，她說：「令我諗番喺巴黎嘅生活點滴，好似塞納河嘅情人French kiss，好浪漫纏綿。」是否覺得寂寞？她說：「都會。」記者笑她會否變老姑婆，她說：「冇得心急，過多幾年都有可能，不過自己生活圈子細，啲朋友都識咗10幾年，冇火花。」
問林嘉欣會否接受異地戀，她說：「都OK，一夜情就唔得，異地戀冇乜壓力，純粹識個人，唔使交代自己職業，我家姐阿妹都係識加拿大人。」黑人都可以？她說：「合眼緣嘅話，乜人都唔緊要。」之後嘉欣獲有份行騷的Jasmine獻花，更母性大發說：「不嬲都好想有小朋友，未有啱對象。」
汪詩詩與胞妹汪圓圓一早到場，為女兒Jasmine拍攝catwalk靚相，甄子丹則在北京拍攝電影《關公》，未能抽空到來。詩詩笑言：「佢（Jasmine）成日都要求行騷，仲要求一個人行，不過佢見過林嘉欣張相，讚呢個姐姐靚，話肯一齊行。」有否親自教Jasmine行騷，她說：「叫佢自然啲，唔好怕羞，喺屋企都有跟圓圓行。」在旁的圓圓則笑言Jasmine行得比她更專業。
from:
http://hk.apple.nextmedia.com/te ...462&art_id=13832214
