35歲的鄧健泓也是陳總愛將之一，自從崔建邦官司纏身被飛出《勁歌金曲》後，他隨即頂上主持位置。不過隨着陳總失勢，鄧健泓已速謝，昨日他一面失落出席新劇《隔離七日情》造型，訪問過後即匆匆離開。
問鄧健泓會否仿效王喜探望陳總時？他說：「我都好想去探佢，但家未係一個非常合適嘅時間，我唔想人哋寫好多文章，又或者令到成件事更加複雜，所以都要睇定啲，不過我有send短訊畀佢，佢覆我話叫我唔需要擔心。」
有傳無綫欲鏟除迷雲黨，鄧健泓會否擔心個人前途？他沒精打采地說：「我都有工作，好似仲主持《勁歌》同埋5月出新碟，我相信TVB作為一個咁大嘅電視台，唔會咁樣做。」鄧健泓也感謝前女友李詩韻的支持，他更表示至今廉署未有接觸他。至於對有指叢培崑背雲媾女，他說：「我完全唔知道，我係有同叢培崑見過面，不過唔熟佢。」
from:
http://hk.apple.nextmedia.com/te ...462&art_id=13828130
