娛圈8達通林保怡奉旨攬女[快周刊]

週五（19日），林保怡與胡定欣出席無綫資訊節目《敦煌》宣傳活動，一身型男裝扮嘅保怡提到尹志強於年初三過身，大讚米雪依然積極開工忘憂值得佩服，又大談自己於農曆年間盡孝道，陪伴老父到東北欣賞雪景，一賞其心願，「我想趁佢行得走得，帶佢去多啲地方睇吓，我見到佢開心我就開心。」令人感動。



活動開始，林保怡撕開「敦煌」壁報，一身古裝露腰仙女造型嘅胡定欣出場，好似變魔術咁，然後林保怡盡顯紳士風度拖住胡定欣，及後更忍唔住攬住佢條纖腰影合照，一副郎才女貌嘅姿態。

胡定欣抵冷以單薄古裝造型示人，雖然凍凍騰騰震，但慶幸有保怡攬住取暖，而且胡定欣仲話年初一為花車巡遊表演時，都以嫦娥扮相亮相，已慣咗捱冷。