慈善節目《博愛歡樂傳萬家》將於下周六舉行,昨日參與演出的藝員齊集尖沙嘴美麗華酒店宣傳,藝員在台上率先格鬥,分組玩扯毛巾遊戲,泳兒雖然個子矮小,但力大無窮。
江若琳近日再與吳卓羲(Ron)扯上緋聞,她說:「係咪冇新聞,定係太掛住我哋拍《學警》續集,拍完劇後我同大家都有電話聯絡,但就冇出嚟見面,而且同Ron係兄弟,好朋友,講到另一半完全唔連線,冇發展機會,呢世都唔會,佢唔係我鍾意類型,我鍾意唔靚仔,但有才華,所以今次單新聞係好大笑話。」


另外,陳偉霆竟被夏文汐點名稱讚為出色新晉演員,他表示很開心,稍後或會與對方合作電影,陳偉霆又形容夏文汐是性感尤物,相信合作都會圍繞性感題材,他說:「我底線係露股,前面就未得,操唔到。」
from:
http://hk.apple.nextmedia ... art_id=13787932