李克勤昨天到港台接受訪問，有傳他將為無綫主持世界盃，他說：「十劃未有一撇，唔好亂猜測。」
於3月跟環球約滿的克勤，表示有其他公司曾聯絡他過檔：「仲有幾個月，睇定啲先，其實都唔係我最早完約。你估喺屋企㩒遙控，揀睇無綫定亞視咁易咩，留畀張國忠（經理人公司高層）諗。不過我一百個不願走，我喺環球都10年，加埋寶麗金年代都兩個10年。家係有公司搵我，但第一位始終係環球！」
對於被稱作無綫契仔，克勤稱：「點契法？同其他環球歌手待遇係一樣，唔覺得有任何着數，睇賽果都係一視同仁。」有指最初無綫的「亞太區最受歡迎香港男歌星」獎屬他，他說：「本來話畀個官、畀皇帝我做，傳言歸傳言。」
