無線與HKRIA水火不容，但仍打算在勁歌總選放生環球一人，盛傳李克勤將奪亞太區最受歡迎香港男歌星！
最近一場版稅風波，令無線與四大唱片公司的關係愈搞愈僵，四大唱片更暗許歌手以廣東話接受其他電視台訪問，張敬軒昨日率先以廣東話接受有線訪問，明剃無線眼眉！無線不甘示弱，有傳在明晚舉行的《勁歌》中要四大唱片公司食白果！不過，據可靠消息指，無綫為不欲殺錯關係良好的歌手，加上向來喜歡製造驚喜，賜環球一位歌手免死金牌！
據知，無線音統會昨日舉行最後一次秘密會議，商討總選最後得獎名單，幾經激烈討論下，無線決定頒「亞太區最受歡迎香港男歌星」給環球系其中一位男歌手。這位歌手向來與無綫Friend底，加上與環球沒有簽經理人合約，所以可在不理環球反對下，甘願與唱片公司反枱去力撐無綫！據知這位歌手甚至可以不出席頒獎禮，無線亦會打破「唔到就冇獎攞」的慣例照頒獎！
綜合各種因素，目前以李克勤、陳奕迅（Eason）及張敬軒最有機會「生還」，當中以自稱流三色台血、誓死不接受有線訪問的無線契仔克勤呼聲最高！近日成為無綫總經理陳志雲愛將的軒仔，在版稅風波中態度溫和，有機會獲無線歡心！反觀歌神Eason雖然經常出席無線畀面派對，兼是去年「亞太男歌星」得主，但他在版稅問題上撐爆四大唱片公司，令得獎機會出現變數！
克勤雖然明日去中山,但我都支持佢
