江若琳（Elanne）邁進入行第四個年頭，由人氣新人到是非纏身，學會更堅強的Elanne從低處再爬起，最近瞓身為鑽石班底打造的處女個唱作排練，誓以實力「Show You」！
Elanne由入行前到在圈中發展以來，負面新聞不斷，她都一一捱過。經歷成長，嬌滴滴的外表，流露一份不屈的堅強，回望過去，Elanne坦言負面新聞令她最難過渡，曾閃過放棄念頭，她說：「捱凍、捱餓、冇得瞓都冇問題，但回應一啲好傷害性嘅報道係最唔開心，真係怕咗，試過冇晒信心同力量，好灰暗，不停咁喊。」
鑽石班底助陣匆匆三年，Elanne學會豁然面對不快，選擇與好友台灣可愛教主楊丞琳（Rainie）一樣「不聞不問」，Elanne說：「Rainie教我『要將耳朵關起來！』，唔好受到影響，做好自己嘅演出，亦多謝傳媒少咗啲唔好嘅報道。」
本月15日舉行處女個唱《MY FIRST SHOW2010演唱會》，Elanne分別找來天后容祖兒的健身教練、陳慧琳的造型師、天王郭富城的排舞師及一線歌手的御用監製擔任個唱監製，鑽石陣營打造完美演出，Elanne亦瞓身特訓，以努力證明一切，回報身邊陪她走過奮鬥之路的人，她說：「我唔係代表自己一個企喺台上面，冇佢哋我冇辦法行到呢一步。」
