首次在紅館跨年的鄭秀文，前晚和過萬名觀眾一同邁向新一年。談到愛情觀時，Sammi坦言相信主會給她一個合適的人，不過她透露仍喜歡單眼皮男士，台下即大叫「許志安」，Sammi指着觀眾笑說：「全世界何止得佢一個，呢度都一大班，日本同韓國好多男仔都單眼皮。」
Sammi介紹嘉賓出場前說：「呢個人要搞得掂呢個場，唔係任何人都可以踩上呢個台。」觀眾隨即又大叫安仔，Sammi稱不會重複嘉賓，之後她唱出彭羚的《小玩意》，接着林海峰便上台，反應熱烈，Jan即說：「你唱呢首歌冇甜蜜感覺，反而好似好憂傷，係咪你太dry？我有禮物畀你，唔似其他嘉賓咁送玫瑰冇誠意又冇心，係講明dry，送玫瑰冇用。」
Jan隨手拿出迷你裝潤膚霜給Sammi，他又笑稱欣賞她坦蕩蕩，Sammi聞言說：「我好平坦。」Jan又取笑Sammi專請有家室或有女友的男嘉賓，他又搞笑說：「你咁dry係因為『名』中注定，『沙mi』喎，但唔緊要你姓鄭，即係『沙mi井』，終有一日會有男人去你個井打水。」
之後兩人合唱《熱情的沙漠》，臨走前Jan連Sammi的經理人郭啟華（Wallace）也玩埋一份，他說：「Sammi轉咗經理人（指信主）後成個人開心晒，Wallace唔使做，去搵工，佢一向都搵公，唔搵乸。」
尾聲時，現場大電視出現了電話號碼「69730819」，廣播叫fans可把開心訊息sms給Sammi，但記者試打號碼，其實是無用戶登記。由於觀眾不肯離開，Sammi再出場和他們握手，約凌晨12點半完騷。
http://hk.apple.nextmedia ... art_id=13585141
