李克勤昨日接受商台錄音訪問，對於四大唱片公司與無綫鬧翻一事，身為無綫契仔的他無奈地說：「家都唔知邊個封殺邊個，好似啲婆媳嗌交，歌手就好似個男人夾喺中間，其實萬事都有中間位，再係咁啲仔女會冇飯食。我打過畀陳志雲，又同公司了解過，大家都有自己理由。」
將於月底出碟的克勤表示最擔心缺乏宣傳，他認為電視台是最大的宣傳媒體，他說：「我家冇得拍MV，雖然話有幾間電視台，但我個心仲喺嗰度，歌手亦都要支持公司。」克勤又揚言希望擔任《勁歌》總選頒獎禮司儀，他說：「總選可唔可以畀我做司儀呀，家一定冇歌啦，不過總選我都唔喺香港。」
李克勤早前到迪士尼樂園主持亮燈儀式，還買了200張門票請歌迷一同慶祝聖誕。早前宣佈太太盧淑儀有喜的他說：「我收到好多歌迷嘅禮物，但大部份都係畀我個仔。」
