今年嫁娶添丁喜事多籮籮，想不到踏入年底12月又添一單喜訊！李克勤 昨日向傳媒宣布太太盧淑儀 再有喜，已懷孕3個月。保密太太有喜多時的克勤，昨日表示全家包括兒子Ryan都很開心，但他要更努力賺奶粉錢養2個小朋友。
克勤得知將做第2任爸爸後，就依照傳統在太太懷孕3個月前不向外宣布消息，非常口密。但他發覺近日住所外有幾部狗仔隊車，估計已泄漏風聲，於是自動報喜。
「近日屋企樓下非常熱鬧，昨日落雨低溫都有狗仔隊等，辛苦大家。東亞運當日又無人問我，我住得偏遠竟然走來等我，既然走漏風聲就一次過公布，免大家再辛苦等，可以收隊。我太太又有喜，已經3個月，我要開工不能常陪在太太身邊，大家如見到她別撞到或嚇到她，幫我照顧她，我會每2個月公布她大肚進展。」
克勤暫未知胎兒性別，但他說生男生女無所謂，總之工作更重要，笑言養多一個，腦海便浮現「努力搵錢」4個字，更趁機向記者硬銷月底出新碟：「大家買多2隻唱片，買埋《左麟右李》DVD幫補家用。」克勤謂要向朋友致歉，因他們兩夫婦近月常稱病缺席朋友飯局來守秘，只有家人和阿倫最早知喜訊，他多謝阿倫幫他保密多時。
陳慧琳 急認親家
阿倫昨日表示盧淑儀驗出有喜當日已知喜訊，笑言守口如瓶很辛苦。「好幾次講到口唇邊，有時自己想起都會笑，人家以為我甚麼事。盧淑儀大肚好輕鬆，但狗仔隊別嚇到大肚婆。現在未知生仔或生女，生仔就繼續追，生夠4個，加上克勤組成5人足球隊。」阿倫撐克勤賺奶粉錢，聲言想唱幾多場都無所謂。
陳慧琳昨日接獲克勤的喜訊，連聲道賀：「恭喜克勤呀！希望BB出世順順利利，更希望他今次生個女，湊一個好字，又可以同我個仔做朋友，可以認識、發展一下。」
如果您喜歡這篇文章，請按「讚」或分享給您的朋友，以示鼓勵。
