亞姐一向盛產波霸，今屆亦唔例外，除咗退選嘅翻版關之琳仝曉燕，仲有「翻版李嘉欣」2王希瑤嘅岩石胸。但論近期鋒頭勁，肯定係台灣代表2有34D咪嘅劉伊心。近來頻頻出招嘅劉伊心，除暗寸勁敵王希瑤整容隆胸外，原來佢喺台灣做model時，同劇王阮經天拍過電影《愛到底》，雖然戲分cut剩只在預告片出現，不過佢都死黐小天升呢，自爆同阮經天係鄰居。不過劉天心就話：「他太小（年紀）了，不適合當我的男友。」嘩！小天都唔啱？認真大口氣。
我每晚按摩胸部30分鐘！（真實對白）
34D嘅台灣美眉劉伊心話自己每晚會按摩胸部30分鐘，三個星期前嚟咗香港後胸部仲大咗2cm。記者問佢點解咁離奇，佢話：「不知道。」
自製話題
姓名：劉伊心
年齡：24
身高：5'6”
體重：109lbs
三圍：34-24.5-35
今年24歲嘅劉伊心，原名叫劉沛語，係07年世界比堅尼小姐台灣區冠軍。可惜之後代表台灣，出戰上海世界比堅尼小姐，其間向傳媒爆大鑊哭訴冠軍獎金仍未落袋，一眾佳麗仲被迫去夜店陪客。明顯地，呢個台灣美眉善於宣傳自己！
當眾露底
劉伊心有34D，加上不時語出驚人，好快就成為今屆亞姐新焦點，不過老手亦試過當眾出醜。事緣07年劉伊心擔任「'08台中車展」代言人，唔小心扯甩條比堅尼泳褲，露出條打底褲，劉伊心即時哭成淚人出晒位。除咗做model，劉伊心不時會上台灣綜藝節目，去年上過小豬羅志祥嘅《娛樂百分百》，仲被小豬讚佢還算漂亮。
岩石李嘉欣
姓名：王希瑤
年齡：26
身高：5'9”
體重：109lbs
三圍：34C-24.5-35
執到個樣似李嘉欣嘅王希瑤堅稱自己冇整容、隆胸，但早前被報章刊登佢少女時代嘅舊相，同鶽家對比真係好大分別。
小天鄰居
除咗小豬之外，劉伊心亦同過阮經天合作，拍過電影《愛到底》，不過只係大茄，預告片出現一個closeup，到正場連一個鏡頭都冇，不過劉伊心好識自我宣傳，上週四（15日）出席亞姐活動時就同記者自爆：「我同小天合作過《愛到底》，他人很好，跟他談得來，我們是鄰居呀！（會揀他做男友嗎？）他太小（年紀）了，不適合當我的男友。」黐天王上位，其他亞姐學嘢喇！
台灣菠蘿雞黐小天
左起：劉伊心、葉安婷、阮經天、曾愷玹
08年同阮經天、曾愷玹拍電影《愛到底》，當時劉伊心叫劉沛語，其實只係大茄一名，成齣戲冇見到佢。
雖然正式冇份，不過喺預告片就分到個半秒大頭（右下圖），個鏡頭入面有曾愷玹同埋小天個鼻哥。
小天鼻哥（左下角）
劉伊心自爆係阮經天鄰居，一同住喺台北東區，不過佢就話冇上過小天屋企喎。
台灣《蘋果日報》圖片
黐小豬
08年上小豬節目《娛樂百分百》當晚更有台妹選美大賽。劉伊心仲攞咗個「最佳上鏡頭獎」。
露底當然成為焦點，事後劉伊心着番條泳褲，一路喊一路俾記者影相，又成功出位。
扯甩褲
着慣比堅尼嘅劉伊心，當年佢出車騷時竟然老貓燒鬚，成條泳褲都扯甩，搞到當眾露底。
