阮經天（小天）今年3月同許瑋甯情變分手，但佢兩個點解會分手，一直係個謎。台灣前日有報導爆出原因，傳小天搭上內地已婚有小孩嘅H女星，仲要俾人老公知道，許瑋甯嬲到爆炸，對佢真係死心。
據許瑋甯閨蜜話，佢兩個拍拖八年嚟，小天多達四次偷食紀錄，每次女友都心軟原諒佢，但今次連內地人妻都搞埋，真係徹底心碎，日日以淚洗面。小天雖然努力箍煲，但許瑋甯唔想再睬佢！對於呢個傳聞，小天日前俾記者追問呢件事，佢皺眉否認，以「欲加之罪，何患無辭」八字回應。
有傳小天與許瑋甯拍拖八年曾出軌四次。資料圖片
H協議兩年後離婚
講開呢位已婚H女星，偷食早有前科，好容易同對手戲假情真，之前佢同一位內地好出名嘅導演合作，因日夕相對而搭上，後來又識咗靚仔男星，兩個人就情難自禁，好快就打得火熱，佢老公發現後，兩公婆大吵一輪，老公提出離婚，H女星唔反對，但為咗形象同個仔，佢同老公協議兩年後先發佈離婚消息，而呢兩年內佢會將自己一半收入畀番前夫，當係補償，咁即係話呢兩年做假夫妻啦！
撰文：關仁
馮仁昭
from:
http://hk.apple.nextmedia.com/entertainment/art/20151021/19340985
