憑電影《親密》在韓國忠武路國際電影節首封影后的林嘉欣，日前出席在韓國舉行的頒獎禮後，昨日返港，嘉欣的fans更準備了一頂后冠、一個蛋糕和香檳與她在機場慶祝。嘉欣笑說：「真係好開心，我都冇諗過會有咁多人嚟接機，我會拍多啲好嘅電影，低成本嘅電影都會有人留意，我會努力。不過因為月中要拍另一部愛情電影，要閉關讀劇本，所以未必會慶祝。」嘉欣表示今次有40個國家，合共240部電影參賽，得獎當然覺得開心，尤其宣佈她上台那一刻，司儀以英文介紹她來自香港時，令她有一份使命感。問她會否希望在香港攞獎？嘉欣則說：「攞獎有好多嘢要夾埋，有一部份仲要靠運氣，唔恨得咁多。」
在韓國封后的林嘉欣，獲fans送上鮮花和后冠。
