07年憑拋胸出位兼被傳以低價頂爛市的女子組合Freeze，前晚到尖沙嘴出席酒吧開幕時，竟把自己當年的「罪行」加諸在現今一班o靚模身上大踩特踩。提到一班o靚模充斥娛樂圈時，石詠莉即搶着說：「其實大家唔使驚o靚模，只係一段時間，咁矮真係接受唔到，我都唔知邊個打邊個，太普通啦，只係識騷身材。」但當晚石詠莉卻以低胸裙出現，自打嘴巴。
「佢哋真係做爛價」在旁的陳樂榣即加嘴狂插說：「個個都化到Angelababy（楊穎）咁，好難認，做模特兒要stepby step，遲啲o靚模呢個名詞會變成一個貶詞。」問到o靚模是否給人很cheap的感覺？陳樂榣說：「咁又唔會，不過佢哋真係做爛價，搞到其他人好難叫價，我戥其他模特兒慘，Angelababy都好慘呀。」正當Freeze狂踩o靚模只識騷身材，石詠莉卻自爆Freeze年底出新碟時造型和歌詞會很大膽露骨，構思絕對踩界。
