雖然《學警狙擊》播畢已久，但Laughing 哥謝天華人氣未減。
曹敏莉早前投訴謝天華擅自加親熱戲。 資料圖片
謝天華孭飛的新片《Laughing Gor 之變節》現正趕工拍攝，不過前晚他仍抽空和苗僑偉（三哥），一同夾錢在將軍澳酒樓筵開四席，為擔演的無綫新劇《老公萬歲》搞煞科宴，同劇的張可頤、郭政鴻和羅敏莊齊齊出現，但早前踢爆天華在劇中加多親熱戲的曹敏莉則未有出現。
新戲借柴九人氣
講到與三哥一起夾錢請客，天華笑言最緊要大家開心。談到有網民指今年視帝乃他的「Laughing 哥」和「柴九」黎耀祥之爭，天華表示只會作為參考。不過祥仔在新戲客串，會否擔心被他搶鏡？天華說：「我就唔會咁諗，反而仲想借助佢嘅人氣幫助吓。我唔擔心比較，所有都係TVB 作品，大家都想有好成績。」
問三哥會否怕外界拿《老公萬歲》及《巾幗梟雄》比較？他說：「唔擔心，兩套劇都完全唔同題材，有唔同選擇對觀眾係好事，祥仔套劇有咁好成績，我都戥佢開心。」
蘋果日報
