滕麗名表示過去曾與汪子琦合作，但她沒有被詐騙。資料圖片
被指涉嫌勒索林文龍和郭可盈的汪子琦，除在Blog 內大量張貼與郭可盈的合照外，也發現她曾與滕麗名合作，滕麗名昨日接受電話訪問時，承認到內地工作時曾與汪子琦合作，她說：「佢又冇招搖撞騙我，對呢件事我冇意見呀。」
陳敏之昨日指林文龍早前曾到沙巴探太太郭可盈班，表現恩愛。
「可盈聲音惆悵」
至於陳敏之昨日到沙田出席活動時，則表示不認識汪子琦，故不想發表意見。但她謂之前到沙巴拍攝無綫劇集《富貴門》時，林文龍曾專程到當地探郭可盈班，敏之說：「佢哋表現好恩愛，都有同我哋影相，我聽到件事覺得可信性唔高。總之作為朋友都想佢兩個好好哋，如果婚姻真係有問題，兩公婆一齊去面對囉！」
此外，呂良偉昨在會展出席活動時，表示有致電慰問可盈，他說：「佢把聲有啲惆悵，但唔係同文龍有感情問題，係其他事。我之前同佢兩個食過飯，唔覺有問題。」問阿呂是否知道可盈有沒有身孕？他說：「冇呀，呢方面我好有經驗。」他又指自己在內地拍劇十年沒有被誘惑，說：「咁多年單身作戰頂得住，乜事都冇，好得很。」
蘋果日報
