楊秀惠發現記者後，即通知男友，蘇晉霆顯得不自在，食早餐時更啦啦聲快啃。早前因衰貪靚搞到歪面的楊秀惠，不但扮靚進取，連愛情都一樣，與孫耀威分手唔夠半年，已經釣到另一隻金[龜。
新金[龜是《東張西望》主持蘇晉霆，蘇出身富貴之家，家族物業超過四千萬，乃禾稈
珍珠，兩人撻喺兩個多月，2 月16 日清晨，被本刊發現兩人街坊裝齊嘆麥當勞！
聞舊女友的新歡是有米之人，孫耀威寸爆話︰「有錢咪好囉！」
《東張西望》主持蘇晉霆
揀男友最緊要有錢！(設計對白）我岩晒條件！(設計對白）
2 月16 日街坊裝食早餐 素顏穿上街坊裝的楊秀惠入到麥當勞後，十分避忌，她柯打兩份早餐後，食物未齊，先嗱飲品回座位，免得被人眼望望。
15 分鐘極速食早餐後，兩人齊齊到對面馬路嗱車離去。
兩人十分有默契，一早已揸住車匙的蘇晉霆走到司機位，而楊則坐乘客位。
蘇先揸車返肇輝臺，楊才自己揸車返將軍澳寓所。
楊秀惠曾在訪問中說：「選美係想要獎金同架車，揀男朋友最緊要專一……靚仔都緊要，不過有錢緊要嘅……」目標明確！
07年尾，楊秀惠與疊水歌手孫耀威發展地下情，但去年7 月在樂易玲生日派對上，楊不忿老孫攬女，當場嚎哭，事件鬧大後，老孫被冠「花弗男」臭朵，火滾之下極速狠撇楊秀惠，更沒收昔日讓給女友揸的寶馬座駕。
自此，兩人再見不是朋友，3 月3 日，問到出席記招的孫耀威知否舊愛有新戀情時，他表示︰「唔知喎！蘇晉霆？唔知邊個喎。」當記者告訴他蘇乃《東張西望》主持，無線上下都知佢好有錢時，孫耀威贈興話︰「哦！有錢咪好囉。」
2 月16 日清晨7 點，蘇晉霆駕駛喺楊秀惠的座駕到跑馬地，兩人齊齊到麥當勞食早餐，其間男方坐定定等食，女方排隊買食物，十分好服侍。當時無化妝的楊秀惠，樣子似剛剛訓醒。之後她發現記者，向收銀員柯打兩份早餐後，便慌忙把早餐端到蘇面前，蘇極速鯨吞漢堡包後，便急急腳鬆人。之後蘇晉霆駕喺楊的車先返回自己肇輝臺寓所，然後楊秀惠才再坐回司機位，駕車返將軍澳寓所。
3 月3 日回應有骨 問到老孫楊秀惠有新戀情時，他一句答：「唔知！」不過記者告知他蘇乃有錢仔，他即話：「有錢咪好囉！」
昔日楊秀惠與孫耀威熱戀時，楊不時揸男友的寶馬出入。《Face 》圖片
2 月23 日扮失憶 下午四時蘇準備為《東》錄影，在化妝間已左望右望，一見記者竟從後門逃去，被記者截住訪問時，他卻一直扮失憶，回應孫耀威暗寸楊秀惠打cheap Botox 時，他竟然話唔知呢單新聞，點做娛樂新聞主持呀？
2 月24 日認上男家 楊秀惠說到緋聞時，自爆蘇已通知他，楊更緊張問記者嘅相影得靚唔靚。
撻喺兩個月
據知情者透露︰「楊秀惠同老孫分手後，成日黐住《勁歌》主持胡蓓蔚，胡知道Marty （蘇晉霆洋名）一向恨拍拖，咪介紹兩人認識囉。兩個月前，試過一大班人去Marty 司徒拔道肇輝臺屋企玩，佢哋話咁快就撻喺咗。Marty 仲讚過楊秀惠煮嘢好得，整過cheese cake 俾佢食
。」
就兩人拍拖一事，2 月23 日向蘇晉霆求證，他突然扮失憶，並堅稱兩人冇拍拖，只承認楊秀惠有去過他屋企。
忽：你係咪同楊秀惠拍緊拖呀？
蘇：唔係，朋友之嘛！
忽：2 月16 日朝早見到你哋喺跑馬地麥當勞食早餐，你仲揸佢架車走。
蘇：跑馬地麥當勞？2 月16 日？唔記得咗喇！我鍾意揸人哋架車。
忽：係咪佢之前嗰晚上你屋企？
蘇：唔係，我哋成日都hang out ，冇嘢㗎！
忽：佢有冇上過去你屋企？
蘇：有，上嚟食飯。（你煮飯佢食呀？）唔係，我班朋友成日上嚟食飯。
忽：佢係咪你鍾意嗰類呀？
蘇：唔係呢啲嘢囉！有（拍拖），我唔怕講。
蘇晉霆除了與高皓正主持《東張西望》外，今年1 月更在陳豪新節目《品味咖啡》記招中任主持。
秀惠死撐
翌日記者再訪問楊秀惠，她甫見記者已經搶住話：「我個friend 打嚟，話你見到我哋食早餐，我話咁開心，有冇影相呀？我嗰日冇化妝，有冇影到唔靚呀？」好明顯蘇晉霆已通風報訊。
忽：點解咁早會喺跑馬地食早餐？
楊：我朝頭早好早訓醒，我慣咗，有時（凌晨）4 、5 點先收工，返到屋企又好精神；咪搵吓朋友傾偈食早餐。
忽：你住將軍澳，晨早流流咁遠去跑馬地食麥當勞？
楊：都話冇人陪我食早餐，我鍾意食麥當勞。
忽：你哋識咗幾耐呀？
楊：識咗大半年，佢屋企好靚，咪成日過去睇戲、開party ，佢好好客。
忽：佢屋企好有錢，仲識煮嘢食，你鍾意嗰類喎！
楊：點解你知人哋咁多嘢……呢個階段係朋友，都係專心做嘢好嘅。
上次同孫耀威拍拖，楊秀惠衰高調搞到分手，今次當然學精，兩人實行死口唔認戀情。
蘇一個人住肇輝臺千呎豪宅。
肇輝臺市值約1,600 萬（甚少賣盤）
碧瑤灣千呎單位市值1,350 萬
愉景灣獨立屋市值1,200 萬
家族物業四千萬
年約30 歲的蘇晉霆（Marty ），樣子酷似高皓正，所以他們有「東張孖寶」之稱，蘇在外國攻讀電影，曾做過電影幕後工作人員及副導演，可惜冇人欣賞，直至兩年前加盟《東張西望》做主持，才略有知名度。
全TVB 都知他甚有家底，他一個人住司徒拔道肇輝臺，家族公司「啟宇發展公司」還擁有碧瑤灣及愉景灣兩個單位。雖然家底豐厚，但有傳他愛「食快餐」，所以拍拖冇段長，早年他曾與利嘉兒拍拖。
過往他曾演過唔少劇集的大茄角色，如：《律政新人王II 》中的酒店服務員、《法證先鋒》的保安員，但劇中對白唔多，毫不起眼。
《Face 》圖片
爆到寸爆
蜜月期07 年10 月，楊秀惠因拍孫耀威MV 而火速撻喺，之後楊參與孫耀威音樂電影《分手公司》，他們在《分》首播會上公然打情罵俏，老孫拖住女方的手做手蠟及交換戒指時，兩人表情
爆。
同年11 月，老孫搬入何文田雅麗居與楊秀惠同居，老孫曾贈舊款寶馬給楊秀惠，更多次被傳媒影到兩人撐枱腳。
決裂期
去年7 月，在樂易玲生日會上，有傳老孫飲大兩杯攬女，楊秀惠呷醋嚎哭，老孫因而冠以「花弗男」，老孫隨即在電台發表：「我要重申楊秀惠唔係我女友，我冇拍拖。」之後老孫不但沒收寶馬，更要楊秀惠搬竇。
寸爆期
楊秀惠被本刊拍得大細面，有記者將此事問到老孫，他竟取笑舊愛打cheap Botox ：「Botox 好耐啦，技術唔會咁渣，佢唔係貪平呀？」
