今年33 歲的蒙嘉慧，與鄭伊健拍拖3 年，多次傳出婚訊，惟女方往往斬釘截鐵否認傳聞，表示：「依家覺得工作最重要，我好享受目前生活，唔會為恨嫁而嫁。」伊健亦曾夾晒口供，向外宣稱結婚順其自然。
不過女人總有恨嫁的一日，去年蒙嘉慧事業陷入前所未見的谷底，虐玩童星、詐病曠工和拍劇犯眾憎等接連負面報道影響，無線不惜將這不可一世的「伊健嫂」打入冷宮。蒙嘉慧自去年9 月拍罷劇集《ID 精英》，就一直被投閒置散，加上有傳她炒
孖展，要撲水還債，在事業冇、錢又冇的情況下，為了唔想成為「三失」中女，近日蒙嘉慧惟有向伊健施壓催婚，更要求盡快搬入男友新居。
日前，本刊便拍得鄭伊健和蒙嘉慧各自駕駛座駕從匡湖居，將一盒盒雜物搬到位於南灣道的海景豪宅新愛巢。
冇癮走人
不到兩分鐘，蒙嘉慧匆忙步出，見她兩手空空返回伊健座駕，直駛入伊健的匡湖居寓所。
鄭伊健07 年10 月以公司名義，大手筆以2,800 萬購入南灣道十號雅景閣一個低層海景單位，為期多時的室內裝修工程亦於去年底大功告成。雖然伊健依然死口唔認築愛巢，堅稱單位只作投資用途，但兩人曾被拍得訂造百萬廚櫃，本刊早前亦發現其新屋的兩個房間已被打通，築愛巢證據充分。
2 月22 日 公廁旁通水
下午3 時許，記者在匡湖居商場附近發現鄭伊健，不久見他鬼鬼祟祟在公廁旁柱後打電話，原來他向身在惠康超市購物的蒙嘉慧「通水」，表示有記者。
去年蒙嘉慧負面新聞甚多，就連與出名好相與的郭晉安拍攝《ID 精英》，都傳出她扮阿姐，以致兩人不和。
輪流搬雜物
紙始終包唔住火，據知伊健和蒙嘉慧將會於6 月正式遷進新居，近日二人亦開始籌備搬屋事宜。上月22 日，記者發現伊健先以其Land Rover 座駕從西貢匡湖居載部分雜物到南灣道愛巢；而翌日下午三時，素顏的蒙嘉慧亦自己出馬，駕喺由伊健送贈的24 萬本田Crossroad 四驅車，由匡湖居駛到新居。
現場所見，車內還載喺多個不同大小的箱子、運動用品及衣服等雜物，其間蒙嘉慧在馬路上經常左穿右插，又試過將座駕停泊在路邊，刻意試探有否記者跟蹤，看來她希望將搬屋一事盡量低調。
搬雜物
下午4 時，伊健駕駛其白色Land Rover 四驅車從寓所外出（右圖），在其行李箱內，放有一個大紙箱雜物。
2 月23 日 雜物堆車尾
下午3 時許，蒙嘉慧駕駛喺伊健公司（E-House Production Limited ）所持有，價值24 萬的黑色本田Crossroad 四驅車從匡湖居外出，除了車頭兩座位外，其餘位置都塞滿大盒小盒雜物。
駛入新愛巢
之後蒙嘉慧駕車駛往南灣道雅景閣新愛巢，連搬屋都不假手於人，果然親力親為。
傾掂數下年拉埋天窗
一直事業至上的蒙嘉慧，近日急轉口風，經常向身邊友人透露希望盡快與伊健拉埋天窗。「佢成日話圈中好多人最近都結婚生仔，令到佢都有嘅衝動結婚，其實佢自己年紀都唔細啦！不過佢知道伊健係一個唔逼得嘅人，咪經常俾暗示伊健。今次咁快搬新屋，都係佢提出先嘅，何況佢都想快嘅搬離伊健同前女友梁詠琪住過嘅匡湖居啦！」蒙嘉慧一友人透露。據知蒙嘉慧與鄭伊健已初步傾掂數，將於下年初拉埋天窗。
監製唔敢用
蒙嘉慧突然恨嫁，與她近半年被無線投閒置散，事業心完全喪失有關。蒙嘉慧02 年簽約TVB 成為旗下藝員，公司一直待她不薄，每年至少安排她有兩部劇集
飛。可惜蒙嘉慧唔爭氣，多年來演技冇進步不特止，去年更牽涉在「虐玩童星」、「詐病曠工」等負面新聞中，令不少監製都怕咗佢，不敢再邀她拍劇。「佢上次拍嗰套《ID 精英》﹙前名《真心英雄》）已經係半年前嘅事，佢拍呢套劇嗰陣寸寸貢，連安仔﹙郭晉安﹚呢啲人緣咁好嘅演員都話同佢不和，所以TVB 嘅監製情願搵部頭約嘅藝員，好似袁詠儀、張可頤、宣萱等，都唔考慮用佢。」蒙嘉慧自知被公司監製摒棄，早前與陳志雲錄影節目時，亦乘機出口術：「我好需要做嘢，我都已經放咗假半年。」早前亦有指她受金融海嘯所累，炒孖展輸入肉，個個月要倒貼補倉，令她不得不心急泊實個好碼頭。對於「好事近」和搬進愛巢一事，記者分別聯絡過伊健和蒙嘉慧經理人，惟一直未聯絡得上。
身為基督徒的蒙嘉慧，一直希望伊健信主，去年尾拉埋男友一同到亞洲博覽館聽殘障傳道人Nick 見證大會，不過伊健似乎唔多受落，被記者發現即黑面。
本周日，梁詠琪被問到舊愛與蒙嘉慧拉埋天窗，突然提高把聲，表示「好開心」，反應出人意表。
梁詠琪：佢結婚我好開心！
伊健快將娶老婆，新娘不是我的梁詠琪周日出席東華活動時，聽聞伊健結婚，竟異常地表現興奮。
記者：記 梁詠琪：梁
記：伊健同女友近排搬屋喎！
梁：我知，我住喺佢對面呀嘛！
記：吓！你依家仲住喺佢對面呀？
梁（窒一窒）：唔係，係我阿媽住，佢同我講啫！
記：搬新屋好似係蒙嘉慧意思，因為唔想眼冤喎！
梁：其實我作為一個女朋友，都唔想男朋友住喺以前嗰度。
記：聽聞佢哋下年結婚喎？
梁（突然將把聲提高）：我真係好開心呀，我好恭喜佢哋！
據知單位內將兩個房間打通，增加空間感，看來並非伊健所指作投資之用。
雖然鄭伊健購入的是低層單位，依然享有無敵大海景。
伊健的愛巢裝修完成，不過現時整個屋苑正作外牆維修，據知伊健和蒙嘉慧打算6 月才正式入伙。
新愛巢曝光
鄭伊健07 年尾以2,800 萬購入的雅景閣低層單位（現市值約2,200 萬），裝修數個月已完工，而其大門裝修簡潔，門外還放了一小盆栽點綴。其單位門外，正是大廈各住戶的信箱位置，私隱度亦減低。
麥玲玲：年尾有望結婚
玄學家麥玲玲指伊健新愛巢風水麻麻，「喺風水上嚟講，廟同教堂呢一類建築物，都會比較大煞氣、磁場亦較強，如果住喺附近，一般人嘅運勢都會相對較弱，如果本身唔係嗰個教派，就更加有可能相沖，所以室內裝修以簡潔及素色為佳。佢大門對出係信箱位，就唔會影響風水。至於伊健今年係人生一大突破年，除咗搬屋，年尾更有機會結婚，如果過咗呢次機會，就要等到2010 年。」
