攬住衰（《蘋果日報》圖片）
「大麻情侶」衛詩和關楚耀上月24 日秘遊日本，卻戲劇性地因藏毒而在雜貨店被捕。事發15 日，二人被關進日本最大的東京拘留所，雖每日有30 分鐘時間與律師和家人見面，其餘時間則需留在只有150 呎，與茶几、廁所和床墊共處密室內，不見天日地身穿灰色犯人衫褲，通櫃洗廁做足。
收監
躉，嬲震黎明派出經理人陳善之急飛日本探Jill ，本週一透露：「最快要16 號（下週一）先至有消息知道點判同犯乜嘢罪！」嘩，呢鑊最少
足3 星期！
秘遊日本的緋聞情侶關楚耀和衛詩，原本成功避開傳媒耳目，可惜一個鬼祟行為卻踢爆二人關係和藏毒內幕。
玩出火
據知關楚耀和衛詩上月20 日抵達日本涉谷後，24 日晚閒逛「激安殿堂」時被捕。本刊記者上週四到事發現場採訪，該雜貨店職員以日語透露（意譯如下）：「佢哋兩個停喺朱古力同化妝品部成30 分鐘都冇買嘢，中途又無厘頭打開手袋，所以走嘅時候，我哋職員就用日文叫停佢哋，後來個男仔擰轉頭用英文話（意譯如下）：『你覺得有問題你可以報警，我哋冇偷嘢。』」
報警後差人到場雖未有發現二人偷竊，不過卻在關楚耀身上搜出大麻，更立即將二人關進拘留所。
光豬情侶
要坐監都唔係簡單，剝晒所有衣物亦算等閒，最難捱係最後一關，檢查下體包括肛門所有有機會收埋物件嘅位置，認真痛苦。
落難苦工
在囚室中，關楚耀和衛詩需要自行清潔廁所及每天早上將被鋪及榻榻米摺好。
東京拘置所外貌
去年在電影節上映，由拍過《談談情跳跳舞》的周防正行執導的日片《儘管如此我沒做過》中，亦有講及所有囚犯入牢前必須除清身上所有衣物，不能攜帶任何私人物品。
扣留關楚耀及衛詩的東京拘置所與《儘》片的囚室大小、擺設相似，但現實中的囚室只能獨處面璧，而可見光的位置只有一個送飯窗口。
日片寫照
上週三（4 日）黎明「吹雞」叫所有員工返九龍塘嘅公司開會，有傳黎明會上火滾，連衛蘭都想飛起。
大孖愁
衛蘭上週被黎明召見，離開時憂心忡忡，一言不發，陳善之解畫：「會上冇講過有關衛詩嘅事，只係幫衛蘭新碟揀歌啫。」即係大孖仲有得撈喎！
剝光豬
由於二人尚未定罪，現時只屬拘留階段，不過日本拘留所規定，凡被拘留都要經過徹底檢查，要將身上所有衫褲鞋襪首飾除清，更用儀器放入肛門內檢查。
二人拘留的東京拘留所，可容納3 千名疑犯並設有獨立房間。據知關楚耀和衛詩分別拘留在150 呎不設窗戶的房間，不見天日，房內只有送飯窗口、日式茶几、暖爐及榻榻米，疑犯更要每日自行清理房間。「最近大麻喺日本市面好流行，所以私藏大麻嘅疑犯比以前拘留耐嘅，佢哋最快要等到16 號之後至會獲釋。」知情人士說。
關楚耀和衛詩二人暫時仍過喺半囚犯生活，每日洗廁所執床摺被，仲連「通櫃」都試埋，何必當初呢？
關楚耀出事，環球眾師兄妹都有出口幫佢講好話，話唔信佢有不良嗜好喎！
「老友」歌手
早過衛詩「老友」導關楚耀升仙
有傳衛詩教壞乖仔關楚耀，有雜誌更稱衛詩沉淪毒海3 年。但據知二人真正拍拖只有年半，推關楚耀落毒海的其實是樂壇一位男歌手「老友」。據知情者透露：「大約兩年前，因為工作關係，『老友』識咗岩岩入行嘅關楚耀，冇耐『老友』就成日帶埋關楚耀去私竇蒲，喺房度隊幼煙，食到好high ；仲會啪吓嘢，不過未玩到最激嗰科嘢。」
據知關楚耀同衛詩撻喺後，同「老友」出去蒲嘅次數都冇以前咁密。「係有人將佢個嗜好範圍再擴大啫，真正帶佢見識呢個興趣嘅，一定係『老友』囉。」
受洗唔夠半年嘅孫耀威話自己以前冇乜定力，而家做嘢會三思而後行；林以諾牧師（右）就淡定得多：「人總有跌低嘅時候，其實視乎你點去面對啫。」
謝安琪與關楚耀感情好到用姊弟相稱，為挺細佬阿Kay 話：「如果我嘅個唱細佬唔可以上台，我寧願唔唱〈四面楚歌〉。」
黎明酒腳升呢愛將
上週四衛詩所屬公司高層連同衛詩父親開記招，當行政總裁王凱文講完，好奇怪見到剛辭去商台工嘅DJ 阿喱（張家豐）以Amusic 總經理身份話：「如果衛詩有吸毒，我哋會同佢解約。」水鬼升城隍，原來阿喱同黎明熟絡，仲不時將自己紅酒公司（阿喱在土瓜灣開了間紅酒店）嘅靚酒送畀黎明，兩人一早係酒腳。
主持過《嘩嘩嘩打到嚟》，俾舊拍檔吳君如話轉數低兼死蠢唔緊要，最緊要條命好，好似阿喱而家咪變身張總囉！
《蘋果日報》圖片
阿喱（右）雖然同吳君如合作咗一年《嘩嘩嘩打到嚟》，但據知君如嫌阿喱轉數慢又唔好笑，嬲到開大會時批鬥佢，後由王貽興、阮子健補位。
衛詩父（右圖）為Jill 求情，公司Amusic 亦派出3 個高層面對傳媒，職業最低、資歷最淺嘅阿喱（右）反而對白最多。
