自金融風暴發生以來，經濟持續低迷，早前雷曼迷你債
風波，令不少港人血本無歸。據無線監製林嘉穎透露證監會有見及此，以過百萬元贊助無線，特約製作財經遊戲節目《財智達人》，希望加深港人對投資的認識，由正在坐艇的大閘蟹鄭裕玲（嘟嘟）擔任主持人，每集邀請嘉賓及現場觀眾玩遊戲。嘟嘟昨日在將軍澳電視廣播城說：「有好多人對投資唔係好明白，主持咗呢個節目我自己都學識咗好多嘢，得益良多，之前拍咗好幾集。我唔知有冇啲雷曼苦主上嚟，都唔會刻意請佢哋嚟，不過我哋都會講吓係乜嘢。」
蔡子健損手
張繼聰表示現時投資巿場動盪，學財經好過學睇相。
嘟嘟又爆過去嘉賓中蔡子健及陳偉霆以前是主修經濟學，不過二人均投資失利，而李香琴及陳敏之也坐艇，反而未有讀過經濟的安德尊卻成功甩身，未致損手爛腳。提起投資失利，嘟嘟自言沒有太閉翳，因為她非輸了全部，只是冰山一角而已。至於《財智達人》嘉賓張繼聰表示仍在學習投資，但在逆巿下他竟然認為學睇相不如學財經，加深對巿場動盪的認識，並表示與太太謝安琪財政相連，將全部收入上繳給她。採訪：丁寧
嘟嘟主持的《財智達人》，主要向觀眾灌輸投資常識。
from
http://appledaily.atnext. ... art_id=12473950
