關楚耀與衛詩愛得癡纏，關2 月從加拿大返港後，即刻到衛詩赫德傑山香閨短聚，兩人更齊齊買日用品儼如小夫妻。《蘋果日報》圖片
上周二（2 月24 日），關楚耀與衛詩於東京雜貨店內涉嫌偷竊兼被搜到大麻煙，被日本警方拘捕。關楚耀母親立即赴日營救兒子，據知關楚耀父親關維麟，事發後曾在友人面前痛心疾首，怪兒子誤交損友。
所謂近朱者赤，揀朋友要小心，揀女友更加要謹慎。關楚耀06 年入樂壇，乃圈中乖乖仔，不過，三年前情陷衛詩，開始踏上愛情不歸路，更賠上大好前程。事發前，關接受本刊訪問時，亦沒有隱藏對衛詩的傾慕。
至於去年曾捲入「迷幻雙嬌」事件的衛詩，雖然暫時得以甩身冇事，但消息傳到香港翌日（3 月4 日），家姐衛蘭立即被公司召見照肺，衛詩今勻真係累街坊。
日本富士電視台播出關楚耀與衛詩的新聞，他們被指「現行犯逮捕」，即係當場斷正意思。
2 月24 日凌晨0 時40 分，關楚耀與衛詩就在涉谷區道玄
一間名為「激安
殿堂」的大型雜貨店內出事。
駐日本記者表示︰「關楚耀與衛詩兩人是2 月20 日清晨到東京，聽當地警方講，當晚（2 月24 日凌晨零時40 分）兩人在涉谷的道玄
通宵雜貨店購物。由於店員發現兩人鬼鬼祟祟，不時左望右望，所以懷疑兩人偷竊，店員要求兩人打開手上的紙袋查看，但遭兩人拒絕，雙方起爭執後報警。警方來到後，發現兩人眼神遊離，說話亦口齒不清，更在男方手上的紙袋內搜出一支0.2克大麻煙，而女方表示大麻煙乃關楚耀擁有。
2 月15 日下午3 時許（即她與關楚耀赴日前5 天），本刊發現衛詩到又一城超市購物，為旅行作準備。
知道將離家旅行，衛詩買定大批狗糧返家。
事發前最新圖片
去年初，衛詩不但突然激瘦，更呈現鬼剃頭現象。
返港即道歉
「據知兩人到警署後，只准他們每人打一個電話，男的就打給母親，關母翌日就帶同律師先赴日救子。兩人被困在看守所一星期，至本月3 日才被保釋出來。不過，這單case 本來在日本只是蚊型的新聞，由於富士電視台有報道，所以才輾轉傳返香港。」
不過，據知關楚耀與衛詩當晚並沒有偷竊，加上男的已經承認藏有大麻煙，故會獲輕判罰錢了事。不過兩人還要在當地滯留十多日，大約要月中才可返港，而關楚耀所屬的環球唱片公司副總裁黃劍濤，已透過電台宣布關會盡快返港，並開記招向公眾道歉。
衛氏姊妹自小跟隨菲籍爸爸到酒廊唱歌，入行前曾在英皇駿景酒店內的Pink Mao Mao 酒廊唱歌。
06 年9 月，本刊拍到衛詩與關楚耀在A.P.C.店內揀選太陽眼鏡，當時兩人已經打得火熱。
幫男友買貨
關楚耀之所以弄到如斯田地，完全是愛出禍。06 年關楚耀與衛詩是同期新人，因而稔熟。關出身音樂之家，讀番書，而衛詩則自幼父母離異，十多歲已在夜場打滾，一早染有「嗅煙」陋習。關與衛詩認識不久，兩人旋即拍起拖來，至今已經3 年。關楚耀與衛詩的感情不但沒有隨時間沖淡，反而變得更癡纏，更離捨難離，皆因關楚耀深愛對方，連衛詩的「嗅煙」陋習都一一照單全收。
為了投其所好，以往不抽煙的他，亦學埋女友大抽特抽。知情者話︰「Jill （衛詩）食得好狠，仲幫男友買埋貨兩份食，Kelvin （關楚耀）當時岩岩闖樂壇，不太如意，女友話『嗅煙』可以減壓，佢亦信以為真，漸漸就上了『癮』，想戒都難。」
難怪早前關楚耀接受本刊專訪時，談到與衛詩的戀情，他毫不避忌說︰「感情順其自然，我與衛詩同是06 年的新人，當時大家在活動上經常見到，佢教我好多嘢，所以依家我有好多嘢都會問佢，大家好投契好夾，對佢感覺好好。」
關楚耀令環球上下頭痕，至於衛詩所屬的A music ，老闆黎明除了在3 月3 日發表言論保住家姐衛蘭外，翌日下午更急召她返公司照肺。據知，黎明亦是3 月3 日才知衛詩出事，皆因他於衛詩出事當日，正在東京宣傳《梅蘭芳》，但當時衛詩未致電黎明，令身在當地的他未能及時處理。對於衛詩這隻黑鑊，黎明大怒，更大鬧衛蘭「睇唔住個妹」。據知情者說︰「黎生今次㷫到爆，唱片公司上下都唔敢同Jill 講好話，Janice （衛蘭）惟有硬食，佢好擔心個妹，喊到雙眼腫晒。黎生好嬲，仲話Jill 冇得救，打算放棄佢，但Janice 聲淚俱下求情，黎生終於心軟，仲吩咐經理人陳善之帶埋律師漏夜搭凌晨機去日本。」當日開完會後，黎明喺工作人員通知記者，會於翌日（5 日）下午在黃埔海逸酒店舉行記招正式交代事件。
公司棒打鴛鴦
其實，自去年衛蘭、衛詩捲入「迷幻雙嬌」事件後，關父對兒子與衛詩拍拖頗有微言。據唱片界人士透露︰「關爺（關維麟）唔多鍾意個仔同衛詩拍拖，佢成日怕個仔太純，唔識世途險惡，今次仲衰埋藏毒，關爺好㷫，話個仔係俾人害，佢話個仔從來都冇呢鋪癮，唔明個仔點解攬晒上身。」而關的唱片公司「環球」，亦曾試過棒打鴛鴦。不過，關楚耀對衛詩卻不能自拔，更向公司強硬表明立場，表示自己絕不會與女友分手，但承諾會將戀情低調，可惜最後都出事。
娛圈的歪風可謂一波未平，一波又起，據知去年中，「迷幻雙嬌」中的細嬌，亦再因為牽涉一宗「丸仔」案件，要返黃大仙警署簽保。但細嬌竟然忘記返警署簽保，最後被一位行內人提點，如果她逾期不簽保，警方將會發出通緝令。不過，由於警方最後未有足夠證據起訴細嬌，所以細嬌又可以甩身，更可以自由出境。
毒海無涯，惟戒是岸，high 出禍只是遲早的事！
下午4 點，衛蘭被黎明召返公司，記者發現未落車嘅衛蘭雖然搽上勁厚粉，不過一雙又大又黑嘅眼袋卻未能遮掩。
衛蘭未有答一眾記者嘅提問，只係識笑，相信佢同黎明開兩小時嘅會議，已經成功同妹妹求情。
黎明一早就返到公司等衛蘭，6 時許，心軟嘅黎明答應救衛詩返港，即吩咐陳善之帶同律師當晚搭凌晨機到日本。
3 月4 日衛蘭殘爆眼腫
《壹週刊》圖片
關父關維麟係前寶麗金監製，出身音樂之家的關楚耀是番書仔，06 年曾在加拿大University of Waterloo 讀完經濟系Yr.1 。
取粉
後樓梯收貨
俾錢
08 年3 月迷幻雙嬌交易被揭
迷幻雙嬌在去年被人偷拍到於屋外後樓梯與拆家交易，雙嬌容貌十分「迷」。
根據日本「出入國管理及難民認定法」，在日本或外地因犯法而判監一年以上，或涉及大麻等精神藥物罪行，均會被列為「不受歡迎人士」，可被拒入境。
運毒日本可判監七年
關楚耀同衛詩在日本涉谷區道玄
一間「激安 殿堂」的雜貨店購物時，被售貨員懷疑偷竊而遭報警，警員在關楚耀身上搜出一支大麻煙，關更承認大麻煙是從香港帶來。根據日本法例，任何人士藏有、收受，均會被警方控以獨犯「大麻取締法」，最高可被判監五年。而栽培、從外國將大麻種子及原料輸入日本，最高可判監七年，販賣大麻更可判監十年及罰款三百萬日圓。
曾有港人身上藏有三百公斤海洛英，最後判監禁13 年，亦有相樸手被揭吸食大麻香煙，不需坐監只被判罰款了事。而任何人士涉及大麻等精神藥物罪行被定罪，最少一年內不獲入境；被勒令強制離境人士，則離境後最少五年不獲入境簽證。
關楚耀如果只被控藏有大麻，加上只得一支0.2 克份量，理論上不用坐監。
被問到怎樣改變外間對藝人的負面睇法？阿倫無奈苦笑說：「叫佢哋食香口膠，唔好食呢啲嘢囉！」
關楚耀父親關維麟係前寶麗金監製，大伯係泰迪羅賓，譚詠麟與關父甚老友，所以關出道時被稱為「阿倫契仔」。《蘋果日報》圖片
藝人有嘢講
譚詠麟 錯要認，打要跪3 月2 日中午，關楚耀同衛詩在日本涉藏毒事件未傳到香港時，本刊率先在《為善‧愛樂》記者會上找關楚耀契爺譚詠麟及契哥張敬軒求證，當時阿倫未知契仔出事，所以神情十分愕然。
記者問阿倫點解關楚耀缺席活動，他反問︰「唔知喎！佢去咗邊呀？」當記者告訴他關與衛詩去咗日本旅行時，他還打趣說︰「結婚呀！（唔係，係日本有消息話關楚耀身上搜出大麻。）吓！我唔知，完全唔知，佢應該冇（吸大麻）……呢啲有乜好食呀？」
三小時後，阿倫出席港台活動時，一見記者即嚴肅說：「今日我心情起伏好大，好痛心……我唔會話因為佢係我契仔而去姑息佢，如果佢有錯嘅，唔單止錯要認，打要跪，仲要趴喺度屹起個籮柚打。」
張敬軒 佢係個乖仔
「吓！日本涉藏毒？我冇聽過喎！我諗要睇咗新聞先，件事可能會有誤會成分，要等進一步確定先，我只可以講，Kelvin （關楚耀）係我契細佬，係一個乖仔，如果佢真係曳曳，就要打pat pat 。」
謝安琪 只係個別事件
「未知咩一回事，轉頭返公司了解吓！都擔心Kelvin ，（佢有冇吸食軟性毒品習慣？）我完全唔知，關於呢單新聞我係零。（歌手接二連三發生唔好嘅新聞，形象差晒！）個別事件，歌手都做好多公益事務，呢啲有賴大家報道。」
陳志雲 係人都會錯
「關楚耀同衛詩件事，我唔太清楚，新聞係咪開埋名？唔……任何年輕人、甚至成年人都會錯，只要行番正途，大家都會支持。」
李克勤 唔認為佢會食
「我覺得好可惜，我識咗Kelvin 仔成廿年，睇住佢大，以我認識，我認為佢無食呢啲嘢（大麻）。不過如果係真，就會好傷父母嘅心。係咪俾人帶壞唔敢講，因為涉及其他公司嘅人，作為半個長輩都有嘅心痛，希望俾個教訓佢。」
楊千嬅 係反面教材
「今朝黎生打電話嚟，叫各位同事現階段唔好亂講嘢。今次係一個反面教材，總之傷害身體都唔岩，希望每一個人從不同經歷教訓，自己去領悟人生道理。我同衛詩係同事關係，平時冇乜聯絡。」
許志安 會影響歌迷
「呢個moment 唔適合評論，因為依家係一宗案件。有冇影響？梗係有啦，好似有嘅歌迷，都會跟我買同一件衫。但就唔多覺會影響外界對藝人嘅形象，因為唔可以一竹篙打一船人！」
黎明坐保母車到達港台電視大樓時，其保母車未泊好位已被半百記者圍喺門，他下車後便急步行入大樓，記者上前拍照，他即時黑面。
記者提到衛蘭時，黎明即說：「再討論落去就成為新聞性。」擺明今次唔想衛蘭被拖落水。
3 月3 日 黎明黑面解畫
衛詩出事後，黎明出席港台活動，被半百記者包圍，問到衛詩是否還在日本？他黑面說︰「睇新聞就係，照情況係未出得境。藝人要遵守藝人嘅原則同選擇，如果水落石出後真係同衛詩有關係，A music 係唔容許。（衛蘭知唔知道？）再討論落去會變成新聞性，問題發生在衛詩身上，所有都係富士電視嘅一則新聞，全公司聽到都唔開心，何況家人包括衛蘭都會唔開心。」說罷，黎明便匆匆離去。
新晉娛圈毒王毒后
關楚耀和衞詩雙雙在日本斷正藏毒，再次揭露娛圈毒潮氾濫的一面。其實逃避壓力又好、貪玩又好，一些以健康形象示人的年輕偶像歌手、藝人，私底下卻沉淪毒海。本刊經不同渠道，採訪過圈中藝人、明星司機、保母、幕後製作人等，發現近年更有不少毒王、毒后「新秀」崛起，情況猖獗。
李珊珊經常到國內參加賽車比賽，更多次在比賽中名列三甲。
喜歡揸快車的佘詩曼，曾多次發生交通意外。
女車手毒發生擒猛男
邊個藝人隊完草（大麻）後表現最放？「女車手」認咗第二，冇人敢認第一。「女車手」係圈中響晒朵嘅蒲精，事關佢每次high 完嘢都豪放女上身，深得圈中男藝人喜愛。有次「女車手」喺私竇high 大咗，竟然眾目睽睽下生擒「長笛歌手」，主動向佢施展迷幻胸壓，睇到其他在場人士熱血沸騰。不過「女車手」high 大咗並非淨係姣人，仲會撩事鬥非搵交嗌。喺佢仲未同「大隻」行埋前，有次喺老蘭竟然指住一個三唔識七嘅人狂鬧。「你邊位呀？你知唔知我條仔係律師嚟㗎，告到你甩褲呀！」「女車手」只不過俾呢位仁兄望咗兩眼啫，就寸到咁樣，夠晒癲喪。
側田曾指創作歌曲需要極多靈感。
台灣創作歌聲張震嶽，行為經常踩界，有「壞孩子」稱號。
方大同在今年樂壇頒獎禮成績驕人。
唱作歌星high 爆錄音室
近年冒起嘅「唱作歌星」形象健康，成個怕醜仔咁款，但原來佢暗椏底都係毒友之一。話明創作歌手，當然創作力驚人，可惜有時腦閉塞，習慣喺錄音室打躉嘅佢，立即使出撒手
，抽出迷煙喪隊，之後佢嘅靈感就猶如泉湧，有時效率高到可以即時作出好歌
！呢位「唱作歌星」仲有特殊癖好，就係錄音前必定上足電，難怪佢嘅作品首首都驚為天人啦！
有指李燦森經常在片場內炫耀自己的新紋身。
鄭中基早前被爆為阿Sa 再紋了一個貓紋身。
公仔佬毒誘骨妹
煙不離手，酒不離口嘅「公仔佬」，有嗰鋪癮就全行皆知，弊就弊在佢好鍾意將毒品公諸同好。有次佢同「大哥大」拍戲，竟然約埋「大哥大」roll 機前齊齊先上電，兩個同道中人固然一拍即合，據聞佢哋常私底下搞P ，互相交流心得。不過「公仔佬」連自己女友都唔放過，佢女友「骨妹」近呢一年因工作關係，情緒變得低落，「公仔佬」睇岩時機，竟然教唆「骨妹」用毒品去減壓，於是佢哋就經常喺私竇齊齊充電。「骨妹」壓力有冇少到就唔知，但就見佢去親邊都眼神空洞，講嘢一
囉！
單立文（左）和雷有暉在娛圈打滾多年，一直以band 友自居。
搖滾友屋企種草
電影《門徒》毫無保留咁記錄製毒過程，睇過嘅朋友無不嚇到心驚膽戰，但係圈中竟然有藝人偷偷喺屋企種大麻草自給自足，認真無法無天。話說「搖滾友」毒齡超過廿年，毒癮深厚無比。近年佢冇乜嘢撈，為咗慳得就慳，唔想再俾拆家吸水，索性透過死黨搵咗泰國同荷蘭嘅生產商，以低價買入大麻嘅種子。「搖滾友」種草非常有心機，屋企有齊晒架撐將呢類非一般植物製成毒品，聽講佢間唔中做埋part time 拆家，以低過市場價益班band 友
！
名人後代 放迷煙惹投訴
浮沉毒海多年嘅「名人後代」屋企大把，身家幾世都洗唔完，自從同「瘦到死」雙縮雙棲後，兩條友變本加厲，晚晚喺屋企喪high 食天光。有次「名人後代」玩到冇嘢好玩，竟然搞咗個世紀high P ，提供各式各樣質素超班嘅毒品，宴請圈中同道中人齊齊high ，迷到屋企煙霧彌漫不得止，迷煙仲由門罅吹到走廊
口，搞到隔籬鄰居頂唔順投訴，差嘅報埋警
！「名人後代」之後就由apartment 搬去獨立屋，為咩？為咗方便隨時開飯囉！
沉淪毒海冇運行
近年不少藝人都接二連三牽涉藏毒案件，部分藝人更因此前途盡毀，掂親毒品絕對冇運行。
蘇永康、安雅
02 年6 月，兩人在台北市夜場被警方查出藏有6 粒搖頭丸，被判入看守所勒戒。事後康仔的出碟量隨愈減愈少，安雅的電影亦以客串性質居多。
杜德偉
02 年12 月，杜身上藏有一支內含0.13 克大麻的手捲煙被捕，被判罪名成立，罰款4,000 元。事件曝光後，杜的演藝事業隨即插水，連碟都冇得出。
陳冠希
02 年陳冠希曾收到毒品包裹，而被捲入毒品風波，04 年11# ，其胞姊陳見飛亦被澳門海關搜出0.383 克可卡因，獲法官判罰2,000 元。
周永恆
04 年月，被警方發現他藏有20 粒俗稱五仔的鎮靜劑，被判接受18 個月的感化令，周永恆現退居幕後。
吳浩康
04 年6 月，吳被警方在身上搜出1.2 克可卡因，最終被法院判罰5,000 元，之後其歌唱事業亦沉寂了不少，hit 歌欠奉。
應采兒
04 年11 月，應因涉嫌藏有0.35 卡可卡因被捕，雖然罪名不成立，但她隨即被遣返至大陸拍劇。
藝人交易有法
後樓梯交收
07 年中爆出兩名女歌手迷幻交易短片，二人在自己屋企的後樓梯向中間人買貨。
的士交易
毒品拆家先乘的士到達指定地點等候，不久藝人會登上的士，繼而在的士內進行毒品買賣。
私竇散貨
有些藝人會相約中間人到一些蒲熟蒲慣的私竇，然後進入VIP 房內交收。
