林嘉欣昨日以和諧家庭大使身份，到apm 出席活動，分享家庭樂，她說：「我同其他家庭一樣，都會有拗撬，所以一家人互相尊重係好緊要。」問有對象組織新家庭？她笑說：「仲未遇到，可能朋友圈子細，不過拍拖都要講緣份，我希望對方孝順、有幽默感同喜歡小朋友。」問會否為家庭放棄事業，嘉欣說：「自己好鍾意演員呢份工，無法放棄，不過如果有家庭，會放多啲時間喺家庭。」
戴千萬珠寶冒汗
此外，嘉欣日前由景福珠寶贊助，戴了共值1000萬元的六十周年高級珠寶系列，為婚紗雜誌《大日子》拍攝封面，她笑說：「戴咗咁多名貴首飾真係好開心，唔好見我笑得咁開心，其實我緊張到兩邊額頭不停流汗。」撰文：Faye Lam
林嘉欣昨日以和諧家庭大使身份出席活動。
http://appledaily.atnext. ... art_id=12273049
