獎門人出身嘅阿夢岑寶兒，上個禮拜三晚（二月十一日）以嘉賓身份現身《鐵甲無敵獎門人》，玩遊戲玩到心口變形，毫不錫身。觀眾眼睛受惠，最喺數係同阿夢一齊玩「大長碌」嘅陳浩民，攬埋一
碌來碌去，阿夢胸前奇觀，陳浩民盡覽無遺。
全體嘉賓未受近日電視城「鹹豬手」事件影響，玩「吹乒乓」王喜同汪琳多次四唇交疊，務求搶去對手口中嘅乒乓波，完全唔怕蝕底。曾志偉仲將「鹹豬手」事件嗱嚟搞笑：「我同王祖藍就得呢（指多手摸人），因為我哋矮過黃宗澤，而家嘅人行過黃宗澤身邊要寒一寒背。」
全晚最拘謹算係帶埋老婆劉小慧以及囡囡嚟打氣嘅蘇志威，無份同阿夢埋身接觸，同佢最親密嘅對手係眾女之中年紀最大嘅惠英紅，老婆一定最贊成。
同陳浩民玩「大長碌」嘅阿夢，露出痛苦表情，睇怕最享受應該係觀眾同陳浩民。
輪到同王喜玩「呼拉圈」，阿夢持續走光，王喜連點都露埋，如果情況掉轉咗就弊傢伙。
全晚無乜艷福嘅蘇志威，抱住惠英紅拗腰接髮菜，老婆劉小慧同囡囡都喺度，冇計！
玩「乒乓波」遊戲，已為人妻嘅汪琳簡直訓晒身，同王喜及蔡淇俊（下圖）擺到明嘴到，依然唔理顧住啜乒乓波。
