周二（10日），《獎門人》進行錄影，今集嘉賓勁咯，單係JJ（賈曉晨）一個已經夠晒矚目。
須記得，JJ最叻就係玩「啜波波」，邊啜仲要邊高潮眼。當晚獎門人曾志偉就安排幾位猛男輪流跟JJ對吹，全晚唔單止高潮連連，仲幾乎笑死人。
JJ連環高潮玩「啜波波」玩到高潮眼而成為女神嘅JJ，當晚衣着確係密實咗啲，不過交足戲，任憑獎門人搓圓㩒扁。同謝天華、鄭伊健、錢嘉樂幾位「古惑仔」對吹？冇問題！玩「爆波波」再被糟躓？又得啫！難得JJ對住任何球類都可以高潮眼。媽咪姐都要寫個「服」字俾佢。
JJ高潮眼再現，搞到志偉都想啜埋一份。
JJ高潮眼咗幾回合，輪到錢嘉樂「出口」，錢仲好主動，爭啲咀到JJ。
「啜波波」高潮眼，「爆波波」又高潮眼，勁。
鄭伊健古惑動粗就嚟跟幾位「古惑仔」兄弟開演唱會嘅鄭伊健，唔知係咪為concert操得勁過頭，喺着冰衫環節，竟然好粗魯撕爛咗件衫，求其繞喺頸度就當着咗，認真古惑。
拍呀拍，睇下伊健對手臂幾粗！
佢大力到撕爛衫，仲好得戚將件衫圍頸當交差。
林曉峰教壞細路「獎老」之一嘅林曉峰當日變身嘉賓落場，玩得有板有眼。不過喺「啜波波」環節，佢唔小心「失嘴」獻吻俾麥包。哎吔，老婆康子妮同一對囝囝當晚都在場㗎，咁搞法，小心教壞細路！
麥包（左）、林曉峰（右）啜唔到波，反而啜咗落對方度。
林曉峰老婆康子妮，大仔林寶（中）、細仔林熙（左）齊齊出席撐場。不過見到老竇同個男人啜啜，唔知好笑定好嬲？
