孫耀威（Eric ）昨日出席電台活動時，對於緋聞女友楊秀惠被指疑因打Botox 引致「大細臉」的報道感驚訝，他笑言：「佢係咪貪平呀？」但Eric 直言不反對女友打Botox 瘦面，因毋須開刀不算是整容。
人紅就要護理
Eric 昨日與傅穎、官恩娜等出席「同心栽種我的家」活動，與觀眾玩遊戲、唱歌打成一片。近日有報道指緋聞女友楊秀惠懷疑因打Botox 瘦面，令左邊面及右邊面不對稱，Eric 聞言即好大反應說：「唔係嘛？我冇睇過報道呀！」他表示自早前電視劇宣傳活動後便沒有見過對方，不知道對方的情況，但笑言：「Botox 已經有咗好耐，應該唔會咁渣
喎，佢係咪貪平呀？」
Eric 後來亦力挺秀惠，認為只是拍攝角度問題，但未有正面回應秀惠塊面是否愈來愈尖，他說：「好多藝人以前都有包包面，入行之後出名咗收入高咗，自然就多啲錢做吓facial ，護理吓。」
自嘲大波大籮
他更自嘲身形圓碌碌，是個大波又大籮的男人！問Eric 會否致電秀惠慰問？他說：「我都想知道真相！（女朋友打得唔得？）打Botox 無乜嘢又唔係開刀做手術，唔算整容，其實Botox 以前都係用嚟醫痙攣，好似『偉哥』都係醫心臟病
，女仔貪靚ＯＫ，不過男人就唔好搞咁多嘢啦！」
文：音樂組
孫耀威對楊秀惠疑因打Botox 瘦面，致左右面不對稱，反應極大。
傅穎未暖先暖，著短褲出席活動玩遊戲。
官恩娜嘟起個嘴好得意。
