無線劇集《掌上明珠》演員林保怡、宣萱、商天娥和滕麗名等，昨日在將軍澳電視廣播城試造型。官恩娜早前自爆出埠拍劇時，有男藝人酒後對女藝人上下其手，郭政鴻和周家怡等均被捲入事件。力撐緋聞男友郭政鴻的滕麗名昨日謂明白官恩娜口快快不是錯，她說：「話佢喊博同情又唔好咁講，件事都唔關佢事，佢都係聽人講，口快快，個口快過個腦唔係錯，我都係咁，呢個係我缺點。」
林保怡和商天娥合作拍攝新劇《掌上明珠》，昨二人齊試造型。
賈曉晨爭取到拍劇機會，希望有助增加人氣。
「件事可大可小」
滕麗名再撐男友飲酒後守規矩，她說：「真係熟佢嘅人都知，佢飲到high 係蹺住隻手唔郁，呢個係佢特徵。」問郭政鴻是否還在嬲官恩娜，她說：「我相信佢唔會嬲，佢係單純為件事，唔係為個人，係怕人誤會，咁樣俾人講得人驚嘛！件事可大可小，要報警。」商天娥則說：「之前拍完《東山飄雨西關晴》，阿佘（佘詩曼）搞個gathering ，佢叫埋周家怡，郭政鴻又喺度，過晚我見到佢兩個冇嘢喎！我仲見佢兩個拍檔猜枚，好似兄弟咁，如果發生過啲事，哭訴會尷尬，所以我覺得唔係，不過下次我見到官恩娜，會問佢係邊個。」採訪、攝影：楊潔雯
滕麗名指緋聞男友郭政鴻飲醉後只會蹺手，不會多手。
http://appledaily.atnext. ... art_id=12218935
