黎姿農曆年前與富商馬廷強於澳洲註冊結婚，由於其最疼錫的胞弟黎嬰因為車禍受傷仍在休養之中，未能親到澳洲觀禮，故黎姿昨晚在港補擺喜酒，黎嬰專程出院向胞姊道賀，更幫手招呼賓客，叫黎姿感動不已。黎姿與丈夫上台致辭時，更灑下幸福的淚。
與52歲富商馬廷強於農曆新年前在澳洲註冊結婚的黎姿，昨晚和今晚一連兩日於尖沙嘴半島酒店ballroom 補擺喜酒。為方便籌辦婚宴，黎姿和夫婿前日已入住半島最頂級的總統套房，並於昨日一早派人到麥理浩康復院接胞弟黎嬰到酒店出席婚宴，而黎姿父親昨日上午11時許抵達酒店，但他一見記者即掩面避鏡頭。
一對新人派代表向傳媒大派千元利是。
樂易玲代黎姿傳話，表示多謝傳媒多年對她的支持。
擺十圍中菜款客
昨日中午時分花店職員陸續將鮮花擺設送抵酒店，但黎姿不欲被記者打擾，特地請來10多名保安在ballroom 及酒店內把守。雖然一對新人昨日未有露面，但卻效法之前李嘉欣和許晉亨婚禮般，於傍晚時分派出代表接受傳媒訪問，及大派印有「馬」字的1,000元利是，其間幫手派利是的職員還好奇問記者說：「今日多人啲定李嘉欣過日多人啲？」代表一對新人發言的陳先生說：「我係馬生好朋友，代表馬生馬太多謝傳媒，今晚係馬生馬太屋企人一齊食飯，冇招呼其他外賓，亦唔會發相，希望大家體諒。」陳先生指昨晚婚宴筵開10席，以中菜款客，而今晚則宴請二人好友。
黎姿父親昨日一早到酒店為愛女婚宴打點。
曾勵珍拿著水晶禮物送給黎姿。
「我有個好歸宿」
最疼錫的弟弟黎嬰出席婚宴，令黎姿最為感動。 資料圖片
問黎嬰昨晚有否出席時，陳先生說：「梗係有嚟啦，家姐結婚喎，重要嘅人一早已經入晒去、到齊晒，因為行路唔係幾方便。」談到黎姿心情，陳先生笑說：「佢哋兩個好開心，細佬都好開心。」有傳婚宴以4頭鮑款客，陳先生笑說：「冇4頭鮑，不過都好好。」問一對新人會否到外地度蜜月時，陳先生說：「唔知，但其實之前佢哋已經度咗。」樂易玲昨晚代表黎姿接受傳媒訪問，她指黎姿穿上婚紗出席婚宴，整晚表現得又開心又感動，樂易玲說：「佢好開心，佢同老公兩個人上台致辭時仲感動到喊，不過佢老公冇喊，因為抱得美人歸
嘛。Stephen （黎嬰）好叻仔，佢入席之前都有幫手招呼親友，表現得好開心，尤其是睇到佢家姐同姐夫細個啲片段，笑得好開心。」問到黎姿致辭內容時，樂易玲說：「佢話『大家放心，我有個好歸宿，Patrick （馬廷強）對我真係好好。』黎姿話好多謝傳媒咁多年對佢嘅支持，佢真係好感恩，成個飯局都好溫馨好感人。」
鄧萃雯遙送祝福
路過半島酒店的鄧萃雯獲悉黎姿昨晚擺喜酒後，託傳媒講聲恭喜。
此外，昨晚出席婚宴者包括無線高層曾勵珍和樂易玲夫婦等，據悉與馬廷強有親戚關係的無線副行政主席梁乃鵬也有出席。另外，04年被黎姿爭贏視后的鄧萃雯，昨午於半島酒店附近出現，當她獲悉黎姿擺喜酒後向記者說：「見到佢嘅話，幫我恭喜佢。」採訪：魯萍、何慧斯、張俊銘攝影：陳俊強、陳順禎、娛樂突發組
37歲的黎姿昨晚與富商馬廷強在半島酒店補擺喜酒，並且擺足兩日。 資料圖片
http://appledaily.atnext. ... art_id=12214967
