TVB花旦爆料揪魔術鹹豬手,馬德鍾慘中招

近日「鹹豬潮」席捲全城，繼苑瓊丹踢爆魔術抽水豬，令蔡子健成為「頭號嫌疑人物」，慘墮鹹網、水洗唔清之後，出名講唔用腦官恩娜（Ella）竟火上加油，日前忽然大爆4、5年前出埠拍劇時有男藝人借醉行兇企圖向某女藝人施暴，惹來各界嘩然！

根據官恩娜所述，出Trip色狼矛頭直指《酒店風雲》內多位已婚男藝人，當中郭政鴻、姜大偉等更成為最新「受害者」，不過最慘都係馬德鐘，呢頭做完嫌疑「鹹豬手」，頭又中招，無辜被捲入呢單性侵驚魂，認真黑仔！

本刊收到知情人爆料話官恩娜提及呢件「新鹹豬」，平時斯斯文文，一飲醉就變色狼，花旦無不人人自危。

上週六（7日），官恩娜出席港台節目《老土正傳》時，突然化身苑仔二號，主動向傳媒爆料，「4、5年前，陣我入行，拍劇期間有女藝人同我呻，話出Trip時夜店俾男藝人借醉摸勻全身，仲想進一步侵犯佢，好彩佢奮力抵抗，將個男人推開。」

其後Ella更意猶未盡，雖然唔肯透露男女主角身份，但就不斷道出兩人特徵，「男結婚，有老婆又靚仔，係人都識；女身材比我好，資歷比我深，好多人都知佢係邊個。」謎底呼之欲出












是非纏身女主角係邊個？暫時冇人知，但有份拍《酒店風雲》的三位女藝人，（左起）周家怡、胡定欣和姚子羚就肯定有排煩。