世盃東道主俄羅斯雖然喺8強出局，但佢哋今屆表現的確令人眼前一亮，人人讚好。不過，有德國傳媒近日爆料，俄羅斯球員之所以能夠滿場飛無倦意，原來係因為佢哋會透過吸氨氣嚟提升球員表現，好彩係氨氣唔係禁藥，佢哋先至冇事。
?20180710070356
爆料嘅《南德意志報》話問過一個俄羅斯足總發言人，後者就承認喺對西班牙場波，有個後備球員登場前先吸咗個用咗氨氣浸過嘅綿球，而喺嗰場比賽，單係一個高洛雲就跑咗16,000米，你都咪話唔犀利呀！
《南德意志報》之後補充，雖然氨氣並非違禁藥物，但佢確實係有促進球員呼吸嘅作用，能夠提升氧氣喺血液內流動，從而提升球員表現。佢哋喺報道寫住：「俄羅斯足總畀隊員用氨氣，就好似沖涼時用洗頭水一樣平常。」難怪俄羅斯連西班牙都砌得低啦！
http://football.on.cc/cnt/news/newe/index.html?articleId=bkn-20180710070030134-0710_00882_001&whichpage=1
