轟整容隆胸偷食唔湊仔，陳靜儀Mia前夫莊家傑爆料還拖

暴乳媽模陳靜儀（Mia）出道即被起底已離婚兼有子女，她直認賣肉養家，並數臭前夫莊家傑。至最近Mia前夫閃娶無綫節目《求愛大作戰》中盛女Whitney，Mia再開火狂踩前夫。莊家傑昨日忍不住首度開腔，並撰寫公開信逐點反擊Mia的指摘，他爆料指前妻曾整容隆胸和偷食導致婚變，Mia雖取得子女撫養權，但從沒有照顧過孩子。
無綫節目《求愛大作戰》中盛女Whitney近日閃嫁媽模陳靜儀的前夫莊家傑，對於前夫再娶，當年奉子成婚的Mia連日微博贈興，寸爆前夫沒責任感，她自稱好媽媽，母兼父職照顧一對子女，當中辛酸只有自己知。離婚後的Mia於09年加入幕前，多年來沒停過數臭前夫，直至爆出他跟Whitney相戀，Whitney隨即成為新箭靶，兩女不時隔空互罵，啞忍的莊家傑昨日終於爆煲，他首度開腔兼親撰千言書向前妻大控訴，當中大爆Mia沒照顧子女、整容隆胸、偷食、講大話和唱衰Whitney五宗罪。

Mia性感賣肉上位，她表示要母兼父職養育一對子女。

Mia前夫莊家傑指現任老婆Whitney軟腍腍，不似Mia硬膠。
細胸突變D Cup
Mia對前夫莊家傑再婚未能釋懷，她表示人生最後悔的一件事是遇上前夫，抱怨男方離婚後沒付過分文贍養費給子女，根本未盡當父親責任，狂轟莊家傑不配做男人。Mia連日怒插，莊家傑火滾大反擊，他昨日寫下千字文逐點反駁Mia，並提供Mia舊照，相中的Mia跟現在判若兩人。莊家傑指Mia整容是離婚導火線，他在文中說：「我很介意整容的人，但你已經是我老婆，你個胸由細過我，突然變咗D cup，你直認喺台灣整，我以為你自卑所以隆畀我睇，我就唔再過問，點知你隆嚟密謀出寫真畀人睇。」他又指Mia整容：「曾經見過你臉上瘀晒，我好驚！你話你削骨整面珠定係乜，太多太多。」
記者昨致電莊家傑，講到Mia全身曾人工化的部位，他說：「眼、鼻都有整，佢有削腮骨，打蘋果肌，佢打大咗個嘴，以前好薄，眼去韓國整，隆胸喺台灣，所有錢都係佢問屋企人畀。」他不但見證Mia變靚啲，還發現她的價值觀轉變很大，他說：「我當日以為佢有咗結婚，大家過平淡生活，但點知佢原來唔甘於咁樣過一世，我又接受唔到佢整咗，大家溝通唔到，其後又有人畀到愛情憧憬佢。」

Mia常擺一對仔女照片上網，惹前夫不滿。
匿衣櫃揭發出軌
莊家傑大爆曾做衣櫃裏的男人，揭發Mia有姦夫，他說：「記得婚後某年佢生日突然失蹤，有晚我匿屋企衣櫃，偷聽到佢喺房同人講電話，話好掛住對方。呢啲劇情竟發生喺我現實生活，佢真係可以寫自傳。」莊家傑發現Mia偷食，當然跳出衣櫃跟她對質提出離婚，他說：「嗰刻佢馬上認錯，我心軟原諒佢，點知佢之後變本加厲，最終我哋2010年搞離婚，分居兩年攞咗離婚證明。」他又指Mia曾買性感內衣跟別的男人去旅行。Mia雖然爭得子女撫養權，但小孩一直留莊家由嫲嫲照顧，莊家傑說：「仔女從未離開過我屋企，當日我哋協議，仔女跟邊一方，就另一方畀贍養費。Mia只係一兩個月先嚟探吓佢哋，佢口口聲聲標榜自己係好媽媽，佢根本冇教過小朋友做功課。」

Mia出道緋聞不絕，曾被拍到約球星陳七夜蒲。
莊家傑也斥Mia屈他借錢：「話我要佢賣肉養我，呢個冇可能，如果我真係咁衰嘅男人，我只係屋邨仔，又冇錢，又離過婚有兩個細路，Whitney咁好條件，咁多人追，佢點會嫁畀我，識我嘅朋友都知道真相。」他很保護現任太太Whitney，抗拒外間把她與Mia比較，難怪他在千字文中抵死說：「我老婆成個人軟腍腍，唔似佢成身硬膠。」他承認離婚後一度頹廢，但經幾年努力已重新做人，難怪他充滿怒火說：「我唔介意俾人話全世界賤男，但佢（Mia）一直試我底線，我好介意『假人』講到自己係全世界好媽媽，滿口假嘅仁義道德。我𠵱家組織咗新家庭，希望擺脫陰影，唔想再俾佢抹黑。」
from:http://hk.apple.nextmedia ... 130827/18395879

Mia聽到前夫反擊，她昨在電話中壓抑怒火說：「把口生喺人度，都係嗰句，真的假不了，假的真不了。可能佢覺得新聞出咗嚟俾人話冇盡責，佢要講啲嘢挽回形象。」被前夫揶揄硬膠，Mia說：「我冇整過，只係打過botox，想出鏡瘦啲，我打針都係離婚後。」Mia自言是好媽媽，有照顧子女，她說：「呢啲天知地知，我屋企人同小朋友最清楚，我冇當小朋友係人球，好彩小朋友懂事，我唔想拎家事出嚟講，影響佢哋成長。」

莊家傑提供Mia舊照，扁鼻方臉平胸的她跟現在判若兩人。
from:http://hk.apple.nextmedia ... 130827/18395882

6年前，你透過社交網站認識我，本來我對你沒有意思，但你依然情信攻勢，時常在我身邊圍着轉。拍拖一年後，你懷孕了，我們很年輕亦很慌張，最後決定生出來，那天開始，我決定無論甚麼原因都好，我都已經係人老公、老竇，我就要全心投入這個家！我承認那時我不夠成熟，不懂浪漫情趣，亦忽略了你的感受，以為平淡的生活你會滿足，第二個小朋友出生後，我們意見開始有分歧，你根本不喜歡小朋友，你從來沒有教過佢哋做功課，全都是我和我家人教的！我現在都沒有教，我不需要隱瞞，或者現在你成熟了，變得喜歡了他們，後來你返回私影模特工作，亦因朋友影響，你嘗試了整容。起初我都不察覺，是朋友告訴我，我先知道，我很介意整容的人，但是你已經是我老婆，你個胸由細過我，突然變咗D cup！你直認喺台灣整，我以為你自卑所以隆畀我睇，我就唔再過問，點知你隆嚟係去密謀出寫真畀人睇！

Mia不時倒奶出鏡，其前夫莊家傑昨日爆料指她曾隆胸，全身「硬膠」。

莊家傑（右）指前妻Mia偷食致婚變。

曾經見過你臉上瘀晒，我好驚！你話你削骨乜嘢整面珠定係乜，太多太多，你瞞着我整我都無辦法，又打針，後來你越整越多靚咗，亦開始有人追求，你開始發現自己的價值不同了，我開始擔心了！有一次我刻意告訴你我晚些才回家，我躲在家中的衣櫃等你回來，我在衣櫃裏聽着你竟然同另一個男人講情話內容，我又嬲又驚。我馬上跳出衣櫃，揭發你，我講要離婚，你哭着說不好你不會再犯，我心軟了！始終當時我是愛你的，之後我們的關係確是甜蜜了，後來再多幾個富二代追你，我又驚了！

我沒有別人有錢，我只是一個屋邨仔，我開始再學如何更細心更愛你，可惜時間不等人，你沒有畀機會我。你竟買性感內衣跟別的男人去旅行跟人拍拖，你好污糟！我非常嬲亦非常無助，我說了離婚，但我自己又一直有信息你！我不知可再做甚麼！最後我們傾好小朋友如在那一邊養，就另一方要畀贍養費。一直以來小朋友都在我家，我媽媽的家。

你越來越靚了，你上雜誌了，我真心為你開心。後來你說很多我的不是給記者聽，我很難受，但我唯一可為你做的就是忍，希望你原諒我衝動說離婚。

直至一年後我終於放低了，但我不敢相信愛，沒有用的我開始了頹廢的生活。每晚都跟朋友去玩，開了雪糕舖頭亦無心機打理，一年半後玩晒啲錢欠債，舖頭結束了亦開始我人生嘅低潮期。每次朋友告訴我又上雜誌，都不是甚麼好事。我係非常之窮，不是有錢人，但要講到俾佢屈上雜誌，話我問佢借錢，話我要佢賣肉養我，呢個就一定冇可能！我欠債都唔會問佢幫手，佢越來越過份！我打畀佢，我錄音了，我不希望形象再受損，畢竟我都要搵工，跟佢嘅錄音對話中，佢親口承認我冇問佢借錢，佢話係佢嘅經理人放佢上枱，雜誌亂寫。佢沒有刻意寫衰我，我又信佢了，我沒有公開錄音。直至呢幾日，佢嘅訪問對答，佢理直氣壯打出來嘅字，最嬲係放埋小朋友嘅相出來，我就知道我應該出來講出事實！

我鬆一口氣，多年忍住嘅都講咗出來。佢係有畀錢養仔女，但佢冇照顧，佢不停換畫，努力向上釣最有錢嘅金龜，我是不負責任的人，亦不見到佢係一個好媽媽，好有責任心。我啱啱新婚，佢黑心說話送贈不特止，只講事實嘅一半仲要加鹽加醋，我唔希望影響我現任老婆，畢竟呢件事，佢係無辜。

別人都說佢跟我現任老婆似，我不會再選同樣的人，所以我現任老婆一啲都唔似佢，我老婆成個人軟腍腍，唔似佢成身都硬膠。

（編註：由於Mia前夫太激動，文中一時用「你」、一時用「佢」來指Mia）
from:http://hk.apple.nextmedia ... 130827/18395885